Թուրք-բելառուսական տնտեսական գործակցություն

Տնտեսական09:10, 31 Հոկտեմբեր 2013

Թուրք-բելառուսական տնտեսական գործակցություն

Բելառուսի արտաքին գործերի նախարար Վլադիմիր Մաքեյն այսօր պաշտոնական այցով գտնվելու է Թուրքիայում: Արտգործնախարարության տարածած հաղորդագրության մեջ նշված է, որ Մաքեյը Թուրքիա է ժամանում` մասնակցելու թուրք-բելառուսական տնտեսական համագործակցության միջկառավարական խառը հանձնաժողովի 8-րդ նիստին:

Թուրքիայի արտգործնախարար Ահմեթ Դավութօղլուն Անկարայում հանդիպելու է Բելառուսի իր պաշտոնակցին: Կողմերը քննարկելու են երկկողմ հարաբերություններին առնչվող հարցեր և կարծիքներ փոխանակելու տարածաշրջանային զարգացումների վերաբերյալ:

Բելառուսի արտգործնախարարին ընդունելու են նաև Թուրքիայի վարչապետ Ռեջեփ Թայիփ Էրդողանը և խորհրդարանի նախագահ Ջեմիլ Չիչեքը:

Նշենք, որ ԽՍՀՄ-ի անկումից հետո իր անկախությունը հռչակած Բելառուսը ճանաչվել է պաշտոնական Անկարայի կողմից, և արդեն ավելի քան 2 տասնամյակ է, ինչ երկու երկրները միջպետական հարաբերությունների մեջ են: Զարգանում են նաև երկկողմ առևտրատնտեսական հարաբերությունները. Թուրքիայի ու Բելառուսի միջև առևտրաշրջանառության ծավալը հասել է տարեկան 500 մլն դոլարի: Ամեն տարի այս ցուցանիշը 15-20 տոկոսով աճելու միտում է դրսևորում: Երկու երկրների միջև արդեն ստորագրվել է վիզային ռեժիմի երկուստեք վերացման մասին համաձայնագիր:

Ermenihaber.am