Թուրքիայի նախկին նախագահը խոսել է հայ-ադրբեջանական հակամարտությունից

Քաղաքական12:55, 31 Հոկտեմբեր 2013

Թուրքիայի նախկին նախագահը խոսել է հայ-ադրբեջանական հակամարտությունից

Թուրքիայի նախկին նախագահ Սուլեյման Դեմիրելը մասնակցել է Բաքվում կազմակերպված մարդասիրական միջազգային ֆորումին և հանդես եկել բացման խոսքով: Դեմիրելը նշել է, որ 20-րդ դարավերջին տեղի ունեցած կարևոր իրադարձությունները նոր աշխարհակարգի որոնման պատճառ են դարձել: Ըստ նրա` ներկայիս արագ փոփոխվող աշխարհում նկատվում է քաղաքական ու տնտեսական ուժային կենտրոնների տեղափոխություն արևմուտքից արևելք և հյուսիսից հարավ:

Դեմիրելն անդրադարձել է հայ-ադրբեջանական հակամարտությանը` խոսելով ղարաբաղյան խնդրի արդարացի լուծման կարևորությունից: Այդ չլուծված հիմնախնդիրը, Թուրքիայի 9-րդ նախագահի համոզմամբ, խոչընդոտում է տարածաշրջանի տնտեսական պոտենցիալի հզորացմանը:

Թուրքական «Թայմ թուրք» լրատվականի տեղեկացմամբ` Դեմիրելը մասնավորապես ասել է. «Կարևոր է, որ Հայաստանը գիտակցի այն օգուտները, որոնք կարող է ունենալ Ադրբեջանի և Թուրքիայի հետ հարաբերությունները կարգավորելու անհրաժեշտ քայլեր կատարելու դեպքում»:

Նշենք, որ Սուլեյման Դեմիրելը Թուրքիայի նախագահի աթոռին պաշտոնավարել է 1993-2000 թվականներին: Իսկ մինչև նախագահ ընտրվելը բազմիցս զբաղեցրել է փոխվարչապետի և վարչապետի պաշտոնները:

Ermenihaber.am