Քըլըչդարօղլուն` Էրդողանի մասին. «Կանանց հագուկապին, քայլվածքին, երեխա ունենալուն վերաբերվող հարցերին է խառնվում»

Քաղաքական15:26, 01 Նոյեմբեր 2013

Քըլըչդարօղլուն` Էրդողանի մասին. «Կանանց հագուկապին, քայլվածքին, երեխա ունենալուն վերաբերվող հարցերին է խառնվում»

Թուրքիայի վարչապետ Ռեջեփ Թայիփ Էրդողանը դատի է տվել ընդդիմադիր գործիչ Ժողովրդահանրապետական կուսակցության նախագահ Քեմալ Քըլըչդարօղլուին` իրեն վիրավորելու համար և պահանջել 100 հազար լիրա փոխհատուցում: Այս մասին տեղակցնում է թուրքական «Սոնդաքիքա» լրատվական կայքը:

Հոկտեմբերի 29-ին Թուրքիայում հանրապետության օրվա կապացությամբ տոնակատարություններից մեկի ժամանակ Էրդողանը Քըլըչդարօղլուի ձեռքը չի սեղմել և դա երկու առաջնորդների միջև լարվածություն է առաջացրել:

Միջադեպից հետո hասարակական կազմակերպությունների ներկայացուցիչների հետ հանդիպման ժամանակ Քըլըչդաչօղլուն Էրդողանի հասցեին «վիրավորանքներ» է հնչեցրել ասելով. «Կանանց հագուկապին, քայլվածքին, երեխա ունենալուն վերաբերվող հարցերին է խառնվում: Դեռ ավելին` նստած, հայացքով հետևում է Դոլմաբահչեից և Քադըքյոյից եկող կանանց»:
Քըլըչդարօղլուի այս խոսքերը զայրացրել են Էրդողանին,և վերջինս դատի է տվել ընդդիմադիր գործչին:

Ermenihaber.am