Լարված իրավիճակ թուրք-սիրիական սահմանին

Տարածաշրջան15:41, 04 Նոյեմբեր 2013

Լարված իրավիճակ թուրք-սիրիական սահմանին

Թուրք-սիրիական սահմանի Մարդինի շրջանի Նուսայբին քաղաքի և Սիրիայի Քամըշլը քաղաքի հատվածում պատի կառուցման դեմ բողոքի ակցիա է կազմակերպել Նուսայբինի ԽԺԿ-ական (Խաղաղություն և ժողովրդավարություն կուսակցություն (քրդական)) քաղաքապետ Այշե Գյոքքանը: Արդեն 6-րդ օրն է՝ շարունակվում է թուրք-սիրիական սահմանին վերջինիս հայտարարած հացադուլը:

Հացադուլ հայտարարած քաղաքապետին այսօր այցելել են Ժողովուրդների ժողովրդավարության կուսակցության նախագահ, Ստամբուլից ընտրված մեջլիսի պատգամավոր Սեբահաթ Թունջելը և որոշ ԽԺԿ-ական քաղաքապետեր: Սիրիայի կողմից պատգամավոր Թունջելին այցելության եկած 15 մարդիկ պոկել են սահմանի թելերից կապված նեյլոնե ծածկոցը: Թուրք սահմանային զինծառայողները զգուշացրել են նրանց, որպեսզի չտանեն ծածկոցը, իսկ նրանցից մեկն էլ նախազգուշական կրակոցներ է արձակել: Այդ ժամանակ թուրք սպաներից մեկը դիմել է Սեբահաթ Թունջելին ասելով. «Հարգելի պատգամավոր այդ ծածկոցը զինվորներինն է, ասացեք, թող հետ վերադարձնեն»:

Պատգամավոր Թունջելը միջամտել է՝ խնդրելով հետ վերադարձնել ծածկոցը: Սիրիացիները, հետ են վերադարձրել ծածկոցը՝ ասելով. «Հարգելի պատգամավոր վերադարձնում ենք միայն այն պատճառով, որ դուք եք ասում»:

Ermenihaber.am