Թուրքիայի գլխավոր ընդդիմադիր. «Ջրի երես դուրս բերեք Դինքի սպանության առեղծվածը»

Քաղաքական13:48, 06 Նոյեմբեր 2013

Թուրքիայի գլխավոր ընդդիմադիր. «Ջրի երես դուրս բերեք Դինքի սպանության առեղծվածը»

Նոյեմբերի 5-ին Թուրքիայում կայացել է ընդդիմադիր Ժողովրդա-հանրապետական կուսակցության (ԺՀԿ-CHP) գերագույն խորհրդի հերթական համագումարը: Համագումարի ընթացքում ելույթ է ունեցել ԺՀԿ նախագահ և Թուրքիայի գլխավոր ընդդիմադիր Քեմալ Քըլըչդարօղլուն: Նա խստորեն քննադատել է Թուրքիայի ներկայիս իշխանություններին: Քըլըչդարօղլուն երկրում տիրող իրավիճակի հիմնական պատասխանատու տեսնում է վարչապետ Էրդողանին: Ըստ ընդդիմադիր առաջնորդի՝ Էրդողանի վարած քաղաքա- կանությունը սխալ ուղու վրա գտնվում:

Թուրքական «Թայմթուրքը» հայտնում է, որ Քըլըչդարօղլուն ելույթը սկսելիս հիշատակել է կուսակցության նախկին առաջնորդ Բյուլենթ Էջեվիթին՝ նշելով որ, վերջինս եղել է ժողորդի կողմից սիրված քաղաքական գործիչ, առաջնորդ: Այնուհետև նա անդրադարձել է երկրում տիրող իրավիճակին՝ թվելով մի շարք առկա խնդիրներ: Նա ադրադարձել երկրում կանանց և տղամարդկանց անհավասարության խնդրին՝ նշելով որ, Թուրքիան այդ ցուցանիշով գտնվում է 136-րդ տեղում, ազգային փոքրամասնությունների և կրոնական անազատությունների խնդիրներին, կրթության ոլորտում աղջիկ և տղա երեխաների համատեղ կրթության խոչընդոտներին, արդարադատության ոլորտում առկա խնդիրներին:

Քըլըրդարօղլուն կարծում է, որ վարչապետ Էրդողանը ցանկանում է երկիրը դարձնել Մերձավոր Արևելքի երկրներին բնորոշ պետություն:Քըլըչդարօղլուն ելույթում անդրադարձել է նաև լրագրող Հրանտ Դինքի սպանությանը՝ Թուրքիայի իշխանավորներից պահանջելով ջրի երես դուրս բերել սպանության առեղծվածը: Հիշեցնենք որ, Դինքի գործով դատարանի կայացրած վճիռը նախկինում ևս քննադատության է արժանացել Քըլըչդարօղլուի կողմից՝ ով նշել էր, որ այդ դատավարությունը Էրդողանի արդարությունն է:

Ermenihaber.am