Սուրբ Փրկիչ հայկական հիվանդանոցին պատկանող «Սելամեթ հանը» վարձակալության կհանձնվի

Տարածաշրջան06:29, 11 Նոյեմբեր 2013

Սուրբ Փրկիչ հայկական հիվանդանոցին պատկանող «Սելամեթ հանը» վարձակալության կհանձնվի

Ստամբուլի Սուրբ Փրկիչ հայկական հիվանդանոցի հիմնադրամին պատկանող Սելամեթ Հան (Փրկության տուն) շենքը վարձակալության է հանձնվել:

Շենքը, որը 1953 թվականին Սուրբ Փրկիչ հայկական հիվանդանոցի հիմնադրամին էր նվիրել անվանի հայ բարերար Գալուստ Գյուլբենկյանը, 1994-ին Ստամբուլի Հիմնադրամների գլխավոր վարչության կողմից սկսված դատական գործընթացի արդյունքում, անցել էր վերջինիս տնօրինության տակ: Սուրբ Փրկիչ հայկական եկեղեցու հիմնադրամը դիմել էր Եվրոպական դատարան, սակայն հարցն այդպես էլ չէր լուծվել: Պատմական շինության ճակատագիրը փոխվեց միայն այն ժամանակ, երբ 2008-ին Թուրքիայում ընդունվեց նոր օրենք հիմնադրամների մասին: Նշյալ օրենքի շրջանակներում փոքրամասնություններին հնարավորություն ընձեռնվեց, իրենց պատականած, սակայն տարբեր պատճառներով պետության կողմից բռնագրավված շինությունների տնօրինման իրավունքները ետ ստանալու համար դիմում ներկայացնել:

Թուրքական «Սաբահ»-ի հաղորդմամբ՝ 2011-ին Սուրբ Փրկիչ հայկական հիվանդանոցի հիմնադրամին վերադարձված շենքը վարձակալության է հանձնելու: Հիմնադրամի նախագահ Բեդրոս Շիրինօղլուն հայտնել է, որ վարձակալությունից հետո շենքի առաջին հարկը կծառայի որպես ռեստորան, իսկ մնացած հարկերը՝ հյուրանոց:

Ermenihaber.am