Թուրքիայի և Ադրբեջանի նախագահները միմյանց շնորհել են բարձրագույն պետական պարգևներ

Քաղաքական13:42, 12 Նոյեմբեր 2013

Թուրքիայի և Ադրբեջանի նախագահները միմյանց շնորհել են բարձրագույն պետական պարգևներ

Պաշտոնական այցով Թուրքիայում գտնվող Ադրբեջանի նախագահ Իլհամ Ալիևին և վերջինս տիկնոջը` Մեհրիբան Ալիևային, նախագահական պալատում ընդունել է Թուրքիայի նախագահ Աբդուլլահ Գյուլը: Նախագահականում տեղի է ունեցել պետական շքանշանների փոխադարձ շնորհման արարողություն. Աբդուլլահ Գյուլը Թուրքիայի պետական շքանշանով է պարգևատրել Իլհամ Ալիևին, վերջինս էլ «Հեյդար Ալիև»-ի շքանշան է շնորհել իր թուրք պաշտոնակցին:

Նկատենք, որ այս մասին հայտնող թուրքական «Հյուրրիյեթ» պարբերականի էլեկտրոնային կայքը սխալմամբ նշել է, որ Գյուլը շքանշան է հանձնել Հեյդար Ալիևին, մինչդեռ վերջինս վաղուց արդեն հանգուցյալ է:

Թուրքիայի Հանրապետության «Հարաբերությունների զարգացման մեջ ներդրում ունենալու համար» օտարերկրացիներին տրվող պետական վերոնշյալ շքանշանն առաջին անգամ շնորհվել է Նորվեգիայի թագավոր Հարալդ 5-րդին, Իլհամ Ալիևը դարձել է շքանշանի երկրորդ հասցեատերը:

Հիշեցնենք, որ երրորդ անգամ նախագահի պաշտոնում վերընտրվելուց հետո սա Ադրբեջանի նախագահի առաջին պաշտոնական այցն է:

Ermenihaber.am