Իլհամ Ալիևն Անկարայում է, Գյուլը նրան շնորհելու է պետական շքանշան

Քաղաքական08:09, 12 Նոյեմբեր 2013

Իլհամ Ալիևն Անկարայում է, Գյուլը նրան շնորհելու է պետական շքանշան

Թուրքիայի նախագահ Աբդուլլահ Գյուլի հրավերով Անկարայում է գտնվում Ադրբեջանի նախագահ Իլհամ Ալիևը: Նրան ուղեկցում է տիկինը` Մեհրիբան Ալիևան: Էսենբողա օդանավակայանում ադրբեջանցի հյուրերին դիմավորել է Թուրքիայի էներգետիկայի և բնական պաշարների նախարար Թաներ Յըլդըզը:

Երրորդ անգամ նախագահի պաշտոնում վերընտրվելուց հետո սա Իլհամ Ալիևի առաջին պաշտոնական այցն է:

Թուրքական «Ջիհան» լրատվական գործակալությունը հայտնում է, որ նախատեսվում է Իլհամ Ալիևի հանդիպումը Թուրքիայի նախագահի և վարչապետ Ռեջեփ Թայիփ Էրդողանի հետ: Սպասվում է, որ Գյուլն ադրբեջանից իր պաշտոնակցին շնորհելու է պետական շքանշան:

Այցի շրջանակներում կազմակերպվելու է Թուրքիա-Ադրբեջան բարձր մակարդակի ռազմավարական համագործակցության խորհրդի 3-րդ նիստը` Ալիևի և Էրդողանի նախագահությամբ:

Կողմերը պետք է քննարկեն երկկողմ հարաբերություններին վերաբերող օրակարգային հարցեր և խորհրդակցություն անցկացնեն տարածաշրջանային ու միջազգային մի շարք թեմաների շուրջ:

Ermenihaber.am