ERMENI HABER AJANSI

Մարդու իրավունքների եվրոպական դատարանը (ՄԻԵԴ),  այսօր բավարարել է Թուրքիայի դեմ հայցը:
Ըստ թուրքական «Ռադիկալ» պարբերականի 38 հայցվորներ պահանջել են փոխհատուցում Թուրքիայից` 1994 թվականի մարտի 26-ին տեղի ունեցած դեպքի համար: Այդ օրը թուրքական զինուժին պատկանող ռազմական ինքնաթիռները ռմբակոծել են երկրի հարավ-արևելքում գտնվող Քուշքոնար և Քոչաղըլը գյուղերը, ինչի հետևանքով եղել են 30-ից ավելի զոհեր, վիրավորներ իսկ հայցվորներից որոշների ունեցվածքն ու անասունները ոչնչացվել են:

ՄԻԵԴ-ը մեղավոր է ճանաչել Թուրքիային` վճռելով, որ խախտվել են Մարդու իրավունքների եվրոպական կոնվեցիայի 2-րդ, 3-րդ, 38-րդ և 46-րդ կետերը: ՄԻԵԴ որոշմամբ` թուրքական կառավարությունը պարտավոր է 38 հայցվորներին վճարել 2 միլիոն 305 հազար եվրո դրամական փոխհատուցում: Թուրքիան պարտավոր է հատուցել նաև դատական ծախսերը (5 700 եվրո):

Նշենք, որ դեպքի առնչությամբ թուրքական կառավարությունը հայտարարել է, թե այդ հարձակումները «ՔԲԿ»-ի կողմից է իրականացվել:

Ermenihaber.am