Ադրբեջանի և Թուրքիայի միջև վիզային ռեժիմը կվերացվի

Տարածաշրջան07:35, 14 Նոյեմբեր 2013

Ադրբեջանի և Թուրքիայի միջև վիզային ռեժիմը կվերացվի

Պաշտոնական այցով Թուրքիայում գտնվող Ադրբեջանի նախագահ Իլհամ Ալիևը հանդիպել է Թուրքիայի վարչապետ Ռեջեփ Թայիփ Էրդողանի հետ: Հանդիպումից հետո կողմերը հանդես են եկել համատեղ մամուլի ասուլիսով: Էրդողանը լրագրողներին հայտնել է, որ հանդիպման ժամանակ որոշում է կայացվել «Տրանս - Անատոլիայի գազատարի» կառուցումը սկսել 2014 թվականին: Ըստ թուրքական «Minute 15» լրատվական կայքի՝ նախատեսվում է, որ Թուրքիայով անցնող գազատարը ադրբեջանական գազը կհասցնի Եվրոպա:

Էրդողանը տեղեկացրել է նաև, որ հանդիպման ընթացքում քննարկվել են Իգդիրի և Նախիջևանի միջև գազատար, ինչպես նաև այդ քաղաքների միջև երկաթգիծ անցկացնելու վերաբերյալ հարցեր:

Կողմերը նաև համաձայնության են եկել երկու երկրների միջև վիզային ռեժիմի վերացման հարցում :

Ըստ Էրդողանի՝ այդ հարցով զբաղվում են 2 երկրների էկոնոմիկայի նախարարները: Մտավորականների,գործարարների, ուսանողների համար փոփոխություններ կլինեն:

Ermenihaber.am