Թուրքիայի կառավարությունն ու լոբբիստական ուժերը պատրաստվում են 2015-ին

Քաղաքական10:23, 16 Նոյեմբեր 2013

Թուրքիայի կառավարությունն ու լոբբիստական ուժերը պատրաստվում են 2015-ին

Լրագրող Ույգար Գյուլթեքինը հայտնում է, որ Թուրքիայի կառավարությունը և արտգործնախարարությունը Հայոց ցեղասպանության 100-ամյա տարելիցին ընդառաջ միջազգային հարթակներում նախաձեռնությունները կփորձի կասեցնել` օգտագործելով իր լոբբինգը, դիվանագիտությունը և տնտեսական հզորությունը: Այժմ այդ կառույցներում նշյալ ուղղությամբ աշխատանքներ են տարվում:

Թուրքական «T24» լրատվական կայքը հայտնում է, որ Գյուլթեքինն «Ակոս» շաբաթաթերթի նոյեմբերի 15-ի համարում հրապարակված «Թուրքիան պատրաստվում է 2015-ի համար» վերնագրով հոդվածում հիշեցրել է վարչապետ Ռեջեփ Թայիփ Էրդողանի օգնական Բյուլենթ Արընչի խոսքերը. «Հայոց ցեղասպանության 100 ամյակի ուղղությամբ լուրջ աշխատանքներ են տարվում: Այստեղ կկազմակերպվեն գիտաժողովներ, գրքերի հրապարակումներ տեղի կունենան: Այլ բնագավառներում նույնպես աշխատանքներ են տարվում, որոնք ամբողջ աշխարհում տարբեր երկների վրա հանրային դիվանագիտության տեսանկյունից մեծ ազդեցություն կունենան: Կառավարությանը կից գործում է մի կառույցը, որը միայն այս հարցով է զբաղվում»:

Գյուլթեքինը, գրելով, որ կառավարության գործելաոճը նախորդ տաիների համեմատ առանձնապես չի տարբերվելու, նշել է այն ոլորտները, որոնց ուղղությամբ աշխատանքներ են տարվում:

««Արդարություն և զարգացում» կուսակցություն (ԱԶԿ-AKP)

Թուրքիայի կառավարություն 2015 թվականին ընդառաջ աշխատանքները ղեկավարելու է իշխող ԱԶԿ պատգամավոր պրոֆեսեր Սեյիթ Սերթչելիքը, ով Հայկական հարցի ուսունասիրությամբ է զբաղվում:

Այս տարվա ընթացքում Թուքիայի ազգային մեծ ժողով նախագահի օգնական Մեհմեթ Սաղլամը, ԱԶԿ պատգամավոր Սեյիէ Էրչելիքը, ԱՇԿ պատգամավոր Յուսուֆ Հալաչօղլուն, ԺՀԿ փոխնախագահ Ֆարուկ Լողօղլուն խորհրդարանում ժողովրներ են անցկացրել և 2015-ին ընդառաջ շրջադարձային աշխատանքներ են կատարել:

Սեյիթ Էրչելիքը, պատասխանելով «Ակոսի» հարցերին, հայտնել է, որ խորհրդարանում ստեղծված խումբը 2-3 հանդիպումից բացի այլ աշխատանքներ չի իրականացրել, իսկ այդ հանդիպումներն էլ կրել են զուտ մտքերի փոխանակման բնույթ: Նա նշել է, որ մամուլում սխալ են ներկայացվել այդ աշխատանքները, և ստեղծված խուբը որևէ հատուկ պատականություն չունի: ԱԶԿ-ում նույնպես թեմայի վերաբերյալ հատուկ աշխատանքներ չեն տարվում:

Թուրքական պատմագիտական ընկերություն

Ստեղծված ռազմավարության շրջանակներում այս կազմակերպությանը Հայոց ցեղասպանության ժխտման հարցում հատուկ պարտականություն է դրված: Ընկերությունը այդ նպատակով մեծածավալ «Թուրք-հայկական հարաբերությունների ժողովածու» է պատրաստում:

Թուրքական պատմագիտական ընկերությունը 2014 թվականին ընթացքում կազմակերպելու է 14 կոնֆերանս, որոնց միջոցով կփորձի թուրք հասարակությանը ներկայացնել ցեղասպանության վերբերյալ պետական թեզերը: Կատարելիք աշխատանքների համար կազմակերպության բյուջեի համար նախատեսվում է տրամադրել 8մլն 239 հազար թուրքական լիրա:

Թուրքիայի Արտաքին գործերի նախարարություն

Արտգործնախարարությունը 2015-ին ընդառաջ սկսել է Հայաստանի հետ հարաբերությունների կարգավորմանն ուղղված նոր դիվանագիտական նախաձեռնության նշաններ ցույց տալ: Անցած ամիս արտգործնախարար Ահմեթ Դավութօղլուն Շվեյցարիա էր այցելել և այդ հարցում միջնորդություն խնդրել: Կուլիսներում խոսակցություններ կան այն մասին, որ Շվեյցարիան համաձայնել է Հայաստանի և Թուրքիայի միջև անձայն միջնորդությամբ հանդես գալ:

Արտգործնախարարության աղբյուրները հայտնում են, որ եթե Հայաստանը Ղարաբաղի 7 շրջաններից 5-ը Ադրբեջանին հանձնելու պատասխանատվություն ստանձնի, և այդ գործընթացին առնչվող ժամանակացույցը հստակեցվի, ապա Թուրքիան պատրաստ է դրան զուգընթաց սահմանը բացել: Տեղեկացվում է, որ Ադրբեջանը ընդունել է այս միտքը, իսկ Հայաստանը 5 շրջաններից հրաժարվելու դիմաց Ղարաբաղի ապագա կարգավիճակի հարցում իրավական երաշխիքներ է պահանջել: Խնդրի լուծման հանգույցը հենց այդ կետում է գտնվում: Պարզ է, որ Թուրքիան հանդես չի գա այնպիսի նախաձեռնությամբ, որին իր համաձայնությունը չի տա Ադբեջանը, սակայն Թուրքիան կփորձի հանգույցը բացել Հայաստանի՝ 5 շրջանները հանձնելու պարտականություն ստանձնելու ճանապարհով:

Ռուսաստանի հետ համագործակցության ուղիների փնտրտուքներ

Կուլիսներում շրջանառվող լուրերից է նաև, որ 2015 թվակականին ընդառաջ կատարվող պատրաստությունների շրջանակներում Թուրքիան փորձում է Ռուսաստանի հետ ավելի ակտիվ համագործակցություն ուղիները փնտրել, քանի որ Հայաստանը Թուրքիայի նկատմամբ ունեցած անվստահությունը պետք է հաղթահարի և դա կարող է անել միայն Ռուսաստանի միջոցով: Նշվում է, որ Ռուսաստանի ցանկության դեպքում Հայաստանի հետ հարաբերությունների կարգավորումը նորից օրակարգ կմտնի:

Ակտիվություն հայ-թուրքական սահմանին

Թուրքիա-Հայաստան սահմանին որոշակի ակտիվություն է նկատվում: Գյուղատնտեսության հարցերով վարչությունը Հայաստանի հետ սահմանակից վարելահողերը շահագործման հանձնելու համար մրցույթ է հայտարարել: Լուրեր են հայտնվել այն մասին, որ տարիներ շարունակ անգործության մատնված երկաթգիծը վերանորոգվում է, իսկ սահմանային անցակետ տանող ճանապարհները շրջանային վարչության կողմից մասնակի վերանորոգվում են»:

Ermenihaber.am