ERMENI HABER AJANSI

Թուրքիայի կառավարությունը մշակում է քաղաքական ռազմավարության պլան, որը նպատակ ունի դրական լուծման բերել «ձախողված» գնահատականով հայտնի արտաքին քաղաքական 5 կարևորագույն խնդիր: Այլ կերպ ասած` «Զրո խնդիր հարևանների հետ» ռազմավարությունը մտնում է նոր փուլ:

Ըստ թուրքական «Աքշամ» օրաթերթի` իշխանությունները նախատեսում են կարգավորել հարաբերությունները Հայաստանի հետ, վերականգնել հարաբերություններն Իսրայելի հետ: Աղբյուրի համաձայն` 2014 թվականին տարածաշրջանային քաղաքականությունում Անկարայի ճանապարհային քարտեզը  լինելու է հետևյալը:

1.  Հայաստանի հետ հարաբերություններ

Ծրագրվում է բնականոնացնել հարաբերությունները Հայաստանի հետ: Մասնավորապես քննարկվում է Լեռնային Ղարաբաղին հարակից 7 շրջաններից 2-ը Հայաստանին թողնելու, Ադրբեջանի և Նախիջևանի միջև ցանաքային կապի հնարավորություն ստեղծելու և հայ-թուրքական սահմանի Ալիջանի անցակետը բացելու տարբերակը:

2. Կիպրոսում հանրաքվե

Եվրամիությանն անդամակցելու գործում առանցքային դեր ունեցող կիպրական հարցը լուծել 2014 թվականի ընթացքում կայանալիք հանրաքվեի ճանապարհով և հասնել թուրք-հունական համերաշխության:

3. Իրաքի հետ նոր շրջան

Իրար հետևից շարունակվող փոխայցերը 2014-ին հասնելու են գագաթնակետին: Սպասվում է Իրաքի վարչապետ Նուրի Էլ Մալիքիի այցը Անկարա, տեղի է ունենալու Թուրքիա-Իրաք բարձր մակարդակի ռազմավարական խորհրդի նիստ: Էրդողանն ու Էլ Մալիքին բազմաթիվ պայմանագրեր են ստորագրելու` սկսած էներգետիկ հարցերից մինչև տրանսպորտային խնդիրներ:

4. Իսրայելի հետ ճգնաժամ

2014-ին փորձ է արվելու բանակցությունների միջոցով արդյունքի հասնել Մավի Մարմարա նավի վրա իսրայելցի հատուկ ջոկատայինների գրոհի հետևանքով սպանված Թուրքիայի քաղաքացիների հարազատներին փոխհատուցում վճարելու հարցում:

5. Սիրիայի ընտրություններ

Սիրիայի հարցում վճռական կլինի նոյեմբերի 23-ին Ժնևում կայանալիք համաժողովը: Լուծման ձևերից մեկը այդ երկրում 2014-ին ընտրություններ անկցացնելն է: Թուրքիան իր անհամաձայնությունը կհայտնի, որ այդ ընտրություններին մասանկցի Բաշար Ասադը: Այդ իմաստով 2014-ը որակական փոփոխություն կբերի սիրիական հարցում:

Ermenihaber.am