ERMENI HABER AJANSI

Հայաստանը Թուրքիայի արտգործնախարար Ահմեթ Դավութօղլուին հրավիրել է մասնացկելու դեկտեմբերի 12-ին Երևանում կայանալիք «Սևծովյան տնտեսական համագործակցություն» կազմակերպության (ՍԾՏՀ) ժողովին:

Ըստ թուրքական «Զաման» պարբերականի՝  հայկական կողմը,  հրավերներ  ուղարկելով Սևծովյան տնտեսական համագործակցության անդամ երկրների արտգործնախարարներին, հայտնել է, որ ուրախ կլինի Դավութօղլուին  հյուրընկալել կազմակերպության երևանայան հանդիպման ժամանակ:
Հայտնի է դարձել, որ Հայաստանից պաշտոնական հրավեր ստանալուց հետո Դավութօղլուն այցելությունը նպատակահարմար է համարել, սակայն վերջնական որոշումը կկայացնի՝  ելնելով Սարգսյան-Ալիև հանդիպման արդյունքից: 
Թերթը գրում է, որ երեկ Վիեննայում կայացած Հայաստանի և Ադրբեջանի նախագահների  հանդիպումից հետո որոշում էր կայացվել շարունակել երկխոսությունը, ինչից հետո սպասվում է, որ Դավութօղլուն կայցելի Հայաստան:

Նշվում է նաև, որ Թուրքիայի արտաքին գերատեսչության ղեկավարի Շվեյցարիա այցից հետո Հարավային Կովկասում  դիվանագիտական  անցուդարձը թափ է ստացել:. Դավութօղլուն Բեռնում  խնդրել էր միջնորդել Ադրբեջանի և Հայաստանի միջև խնդիրները հաղթահարելու հարցում՝  հայտնելով, որ  Թուրքիան պատրաստ է կարգավորել Հայաստանի հետ իր հարաբերությունները: Սակայն պահանջ է առաջ քաշել, ըստ որի,  Հայաստանը պետք է  հրաժարվի  Ղարաբաղի  հարակիցմի շարք շրջաններից: «Համոզեք Հայաստանի իշխանություններին, մենք էլ սահամանը կբացենք»,- հայտնել էր Թուրքիայի արտգործնախարարը:
Թուրքական աղբյուրը հայտնում է, որ ըստ Թուրքիայի արտգործնախարարության պաշտոնյաների,  Թուրքիան Ճանաչումը է ՀՀ-ն , պարզապես  2 երկրների միջև դիվանագիտական հարաբերություններ չկան: Նախագահ Գյուլն էլ այցելել է Հայաստան: Դավութօղլուի չգնալու համար որևէ պատճառ չկա: Սակայն այդ այցելությունը կախված է զարգացումներից:

Թուրքիայի վարչապետ Ռեջեփ Թայիփ Էրդողանն այցելելու է Ռուսաստան և նախագահ Վլադիմիր Պուտինի հետ հանդիպման ժամանակ կքննարկվեն նաև Թուրքիա-Հայաստան, Բաքու –Երևան հարեբերությունները:

Թերթը, հիշեցնելով, որ 2009 թվականին ՍԾՏՀ շրջանակներում այդ ժամանակվա Թուրքիայի արտգործնախարար Ալի Բաբաջանն այցելել է Հայաստան, իսկ հայ պաշտոնակիցն էլ Թուրքիա, նշել է, որ եթե Դավութօղլուն Հայաստան չայցելի, ապա որպես պատճառաբանություն կբերվի Գերմանիայի նախագահի Թուրքիա կատարելիք այցելությունը:

Ermenihaber.am