Էրդողանը հիշեցրել է, որ ժամանակին Աթաթուրքն էլ է օգտագործել «Քուրդիստան» բառը

Քաղաքական09:42, 21 Նոյեմբեր 2013

Էրդողանը հիշեցրել է, որ ժամանակին Աթաթուրքն էլ է օգտագործել «Քուրդիստան» բառը

Թուրքիայի վարչապետ Ռեջեփ Թայիփ Էրդողանը հանդիպել է լրատվամիջոցների ներկայացուցիչների հետ և պարզաբանել իր կողմից ավելի վաղ հնչեցված «Քուրդիստանի շրջան» արտահայտության հետ կապված տարակարծությունները: Նա նշել է, որ Իրաքի սահմանադրության մեջ ամրագրված է այդ արտահայտությունը և բացի այդ Թուրքիայի Հանրապետության հիմնադիր Քեմալ Աթաթուրքի ստորագրած հրամանագրում ևս ժամանակին տեղ է գտել «Քուրդիստանի շրջան» ձևակերպումը:

«Աթաթուրքը իր ելույթներում քանիցս ասել է Լազիստան, Քուրդիստան: Հիմա ի՞նչ, այդ արտահայտություններն արած Աթաթուրքն ուրեմն պառակտի՞չ է: Նրանք, ովքեր ինձ այդ արտահայտության համար պառակտիչ են անվանում, ի՞նչ կասեն ապա Աթաթուրքի մասին»,- ըստ թուրքական «Հաբերա» լրատվականի` ասել է Էրդողանը:

Թուրքիայի կառավարության ղեկավարը միևնույն ժամանակ անընդունելի է համար Դիարբեքիրի քուրդ քաղաքապետ Օսման Բայդեմիրի հնչեցրած «Թուրքիայի Քուրդիստան» արտահայտությունը` նշելով, որ նման ձևակերպումները հանրության մեջ անհանգստություն են առաջացնում:

Ermenihaber.am