Քըլըչդարօղլուն աջակցություն է հայտնել արվամոլներին, լեսբուհիներին և տրանսվիստիտներին

Քաղաքական09:27, 21 Նոյեմբեր 2013

Քըլըչդարօղլուն աջակցություն է հայտնել արվամոլներին, լեսբուհիներին և տրանսվիստիտներին

Թուրքիայի ընդդիմադիր առաջնորդ «Ժողովրդահանրա- պետական կուսակցության» (ԺՀԿ-CHP) ղեկավար Քեմալ Քըլըչդարօղլուն Թուրքիայի Ազգային Մեծ Ժողովի իր աշխատասենյակում ընդունել է Թուրքիայի «լեսբուհիներ, գեյեր, բիսեքսուլաներ, տրանսվիստիտներ» (ԼԳԲՏ) կազմակերպության ներկայացուցիչներին և խոստացել է տեղական ինքնակառավարման ընտրությունների ժամանակ լայն աջակցություն ցուցաբերել: Այդ մասին հայտնում է թուրքական «հաբեր» լրատվական կայքը:

Ստամբուլի շրջանից Թուրքիայի խորհրդարանի պատգամավոր Մելդա Օնուրի ուղեկցությամբ տեղի է ունեցել Քըլըչդարօղլուի և սեռական փոքրամասնություների ներկայացուցիչների հանդիպումը, որի ընթացքում քննարկվել է սեռական փոքրամասնությունների դերը Գեզի զբոսայգու իրադարձություններում, ինչպես նաև անդրադարձ է եղել ԺՀԿ-ի օրակարգին: ԼԳԲՏ-ի ներկայացուցիչները ցանկություն են հայտնել զբաղվել քաղաքականությամբ` նշելով, որ ժողովրդահանրապետականներն իրենց ոգևորում են: Քըլըչդարօղլուն իր հերթին նշել է, որ իրենք զգացված են ԼԳՄՏ-ի ներկայացուցիչների՝ Գեզի զբոսայգու իրադարձություններում ունեցած առաջնորդող դերից, ինչպես նաև միշտ հետևում են նրանց աշխատանքներին:

Ընդդիմադիր առաջնորդը ԼԳԲՏ-ի ներկայացուցիչներին խորհուրդ է տվել ընտրություններին առաջադրել սոցիալ-դեմոկրատական սկզբունքներին տեր որևէ թեկնածու: Քըլըչդարօղլուն, հարցը դիտարկելով որպես ԼԳԲՏ-ի և մարդու իրավունքների խնդիր, հայտնել է, որ ԺՀԿ-ն կանի իրենից կախված ամեն հնարավոր բան՝ աջակցելու սեռական փոքրամասնություններին: Նշվում է, որ Ստամբուլի Շիշլի և Բեշիքթաշ համայնքների, ինչպես նաև Ադանայի և Մերսինի քաղաքային կառավարման խորհուրդների անդամ դառնալու ցանկություն են հայտել սեռական փոքրասնությունների 4 ներկայացուցիչներ:

Ermenihaber.am