ERMENI HABER AJANSI

Թուրքիայի արտաքին գործերի նախարարությունն աստիճանաբար վերածվում է այսպես ասած` «գործազուրկ մարդկանց նախարարություն»: Այս տեսակետն է հայտնել թուրք վերլուծաբան Քորայ Չալըշքանը «Ռադիքալ» օրաթերթում հրապարակած իր հոդվածում: Նա նշում է, որ թուրքական դիվանագիտությունն անխոհեմ պահեց իրեն Եգիպտոսի հեղափոխոխական իրադարձությունների թոհուբոհում:

«Մեզանից բացի ոչ մի մահմեդական պետություն, ոչ մի արաբական պետություն, ոչ մի եվրոպական երկիր չընտրեց այդչափ բացասական ճանապարհ, որքան մենք Եգիպտոսի հարցում: Ահա թե ինչու մեր դեսպանին վտարեցին այնտեղից»,- նշում է հոդվածագիրը:

Պաշտոնական Անկարայի սխալ գործելաոճի հետևանքով ստացվել է այնպես, որ տարածաշրջանում Թուրքիան արտակարգ և լիազոր դեսպաններ չունի արդեն 4 երկրում` Հայաստանում, Իսրայելում, Սիրիայում և Եգիպտոսում: Չալըշքանի բնորոշմամբ` այդ իրավիճակը, բնականաբար, չի կարող օգուտ բերել ոչ տարածաշրջանին, ոչ Թուրքիային, ոչ էլ նշյալ երկրներին:

«Ախր, դիվանագիտության մեջ հաջող ցուցանիշներ պահպանելու համար, դիվանագիտականակ հարաբերություններ են նախ անհրաժեշտ»:

Վերլուծաբանը համեմատության համար նկատել է տալիս, թե տարածաշրջանում Թուրքիայի մրցակից Իրանի Իսլամական Հանրապետությունը (ԻԻՀ) դիվանագիտական ինչպիսի լուրջ հաջողությունների է հասնում. իր վրայից հանել է տվել ամսական 1մլրդ դոլարի բռնարգելքը (էմբարգո), հաջող հունով է տանում համագործակցությունը Ռուսաստանի հետ, ստորագրում է քիմիական զենքի վերաբերյալ պայմանագիր Սիրիայի հետ:

«Մշակութային կապերի, տնտեսական հզորության և զարգացման ներուժի տեսանկյունից առաջնակարգ երկրի դիրքում գտնվող Թուրքիան դանդաղորեն հայտնվում է «գործազուրկ մարդու» կարգավիճակում: Ձեթը կա, յուղը կա, հալվան կա, նա դեռ կանգնել հարցում է, թե ինչ էր այդ քաղրավենիքի անունը: 

Ասեմ` արաբերենում և թուրքերենում էլ նույնն է` հալվա: Բաղադրատոմսն էլ շատ պարզ է: Իսկ դիվանագիտության մեջ դրա անունը «քաղցր լեզու» է և «շրջահայացություն»,- եզրափակում է հոդվածագիրը:

Ermenihaber.am