Financial Times. Էրդողան. թուրք ազգին պառակտող մարդ

Տարածաշրջան12:06, 28 Նոյեմբեր 2013

Financial Times. Էրդողան. թուրք ազգին պառակտող մարդ

Անգլիական «Financial Times» թերթը Թուրքիայի վարչապետ Ռեջեփ Թայիփ Էրդողանի վերջին 10 տարվա գործունեության վերաբերյալ 2 վերլուծություն է ներկայացրել: Թերթի հոդվածագիր Լեյլա Բոլթոնն իր վերլուծականը վերնագրել է` «Էրդողան. թուրք ազգին պառակտող մարդ»:

Բոլթոնի հոդվածում մասնավորապես նշվում է, որ էրդողանը կարծես խիզախ բարեփոխողից վերածվել է դյուրագրգիռ ավտորիտար գործչի: Նա նաև գրում է, որ Գեզիի ցույցերը ցույց տվեցին, թե 10 տարվա առաջվա Թուրքիան ինչքան է փոխվել:

Հոդվածագիրը գրում է, որ վերջին անգամ Թուրքիա այցելելիս նկատել է, որ 10 տարի առաջ Էրդողանին գրկաբաց ընդունող թուրքերը հիմա նրա հանդեպ օտարացել են:

«Կարծում էինք, թե նա ժողովրդավար է, սակայն ներկայումս նա բռնապետի է վերածվել»,-գրում է Բոլթոնը և ավելացնում, որ Էրդողանի ոչ ժողովրդավար մոտեցումները, նախագահ Աբդուլլահ Գյուլի և փոխվարչապետ Բյուլենթ Առընչի հետ նույնպես հաճախ հակասությունների պատճառ է դառնում:

Թերթի մեկ այլ հոդվածագիր Դանիել Դոմբեյը, ով ներկայացրել է Էրդողանի վերաբերյալ 2-րդ վերլուծությունը, իր հոդվածը վերնագրել է` «Էրդողանը շարժվում է դեպի անհայտ ջրեր»: Նա գրում է, որ Էրդողանի նպատակը մինչ 2023 թվականը Թուրքիան աշխարհի ամենամեծ տնտեսությունը ունեցող 10-րդ երկիրը դարձնելն է: Իսկ դրա համար տարեկան 15% տնտեսական աճ է հարկավոր, և դա անհնար է թվում:

Նա նաև գրում է, որ Գեզիի դեպքերը ցույց տվեցին Թուրքիայի քաղաքական անկանխատեսելիությունը:

Ըստ Դեմբեյի է` ցույցերից հետո հնարավոր է մարդկանց զայրույթը մի քիչ մեղմացել է, սակայն այս դեպքերի մասին հիշողությունները դեռ չեն անհետացել, և հնարավոր է, որ երկիրը Էրդողանի պլանավորված ուղղությամբ չընթանա:

Ermenihaber.am