Թուրքիայում հայերի և քրդերի եղբայրական գերազմանատան վրա ճանապարհ է կառուցվել

Տարածաշրջան15:45, 02 Դեկտեմբեր 2013

Թուրքիայում հայերի և քրդերի եղբայրական գերազմանատան վրա ճանապարհ է կառուցվել

Թուրքական Նևալա Քեսաբայի գերեզմանոցի վրա, որտեղ թաղված են կառավարության կողմից սպանված հարյուրավոր հայեր ու քրդեր, ճանապարհ է կառուցվում: «Գերչեք Գյունդեմ» էլեկտրոնային պարբերականի հոդվածագիրը, անդրադառնալով թեմային, հաղորդում է, որ նշյալ տարածքում հուշարձան կառուցելու պահանջին ի պատասխան, կառավարությունը երկկողմանի ճանապարհ է կառուցում:

Նևալա Քեսաբայում նախ թաղվել են 1915 թվականի Հայոց ցեղասպանության ժամանակ զանգվածաբար կոտորված հարյուրավոր հայեր, ապա 1984 թվականից սկսած, երբ հիմնվել է Քրդստանի բանվորական կուսակցությունը, այնտեղ գաղտնի սկսել են թաղվել պետության կողմից սպանված ՔԲԿ-ի ավելի քան 200 անդամներ: Գերեզմանոցի վրա նախ կառուցվել է ոստիկանական ակադեմիա, ապա՝ երկկողմանի ճանապարհ:

Հեղինակի պնդմամբ՝ թուրքական կառավարությունն, այս գերեզմանոցի վրա էլ տարատեսակ շինարարություններ կատարելով, փորձում է թաքցնել իր և իր նախորդների կողմից կատարած ոճրագործությունները: