Թուրքիայի ԶՈՒ-ում պակասում է գեներալների թիվը

Տարածաշրջան14:13, 02 Դեկտեմբեր 2013

Թուրքիայի ԶՈՒ-ում պակասում է գեներալների թիվը

Հոկտեմբերին հրաժարականները ներկայացրած Թուրքիայի Ծովային ուժերի հրամանատարության շտաբի պետ գեներալ գնդապետ Աթիլլա Քեզեքի և Ծովային ուժերի հրամանատարության տեխնիկական տնօրեն գեներալ մայոր Սամի Օրգուչի հրաժարականներից հետո ևս մեկ գենարալ է ներկայացրել իր հրաժարականը: Այս անգամ հրաժարական է ներկայացրել ժանդարմերիայի գեներալ մայոր Մեհմեթ Թուրալը: Այսպիսով, թուրքական զինված ուժերում գեներալների թիվը ևս մեկով կրճատվելով, դարձավ 344: Հաղորդում է թուրքական «Հյուրիյեթը»:

Նույն թերթի հաղորդմամբ՝ գեներալների հրաժարականներին զուգընթաց աճում է պարտադիր ծառայողների թիվը: Այս նոյեմբերին ընդունված՝ շարքայինների և սերժանտական կազմի պարտադիր ծառայության ժամկետը 15-ից 12 ամիս կրճատելու որոշումից հետո աճ է նկատվել պարտադիր ծառայության զորակոչվել ցանկացողների շրջանում: Թուրքական ԶՈՒ-ում անցյալ ամիս 386 հզ պարտադիր ծառայողների դիմաց այս ամիս նրանց թիվը հասլ է 444 հզ-ի :

Զինված ուժերի գլխավոր շտաբի հաղորդած վերջին տվյալների համաձայն Թուրքիայի ԶՈՒ-ում ծառայություն է իրականացնում 708 հզ 54 հոգանոց անձնակազմ, որից 344 գեներալ և ադմիրալ, 39 հզ 244 սպա, 95 հզ 707 ենթասպա, 434 հզ 797 շարքային և սեժանտական կազմ: