Քրդական կուսակցության և Դաշնակցության ներկայացուցիչների հանդիպումը Թուրքիայում

Տարածաշրջան07:59, 04 Դեկտեմբեր 2013

Քրդական կուսակցության և Դաշնակցության ներկայացուցիչների հանդիպումը Թուրքիայում

«Հայ հեղափոխական դաշնակցություն» կուսակցության (ՀՅԴ) և Թուրքիայում գործող քրդական «Խաղաղություն և ժողովրդավարություն» կուսակցության (ԽԺԿ-BDP) միջև համագործակցության բանակցությունները թափ են ստացել: Երկու կուսակցությունների ներկայացուցիչները շաբաթվա վերջում հանդիպումներ են ունեցել նախ Ստամբուլում, ապա Դիարբեքիրում:

Հանդիպումների ժամանակ երկու կուսակցությունների ներկայացուցիչներն ընդգծել են համագործակցության կարևորությունը:

Թուրքական «Ուլուսալքանալ» լրատվական կայքը հայտնում է, որ կուսակցությունները հանդիպել էին նաև ԱՄՆ-ում, որտեղ քննարկվել էին Թուրքիայում քուրդ և հայ ժողովուրդների համագործակցության վերաբերյալ հարցեր՝ ուշադրություն հրավիրելով այն հանգամանքի վրա, որ հանդիպումից հետո կուսակցության ներկայացուցիչները նկարվել էին դրոշի առջև, որը Թուրքիայի արևելքի հայկական լինելն է ցույց տալիս:

Ըստ թուրքական կայքի՝ Ստամբուլում ԽԺԿ-ականների և դաշնակցականների հանդիպման ժամանակ քննարկվել է Արևմտյան Հայաստանի և Քուրդիստանի հարցերը, ինչպես նաև կարևորվել է հայ և քուրդ ժողովուրդների ազգային և ժողովրդավարական ցանկությունները:

Իսկ Դիարբեքիրում հանդիպել են արդեն կուսակցությունների երտթևերը, որոնց հանդիպման ժամանակ ընդգծվել է փոփոխվող Մերձավոր Արևելքում համագործակցելու կարևորությունը:

Ermenihaber.am