ERMENI HABER AJANSI

Թուրքիայի Սպարտա քաղաքում գտնվող լեռնադեսանտային ստորոբաժանումում  ընդհանուր առմամբ 3000 լիբիացի զինվորական վերապատրաստում կանցնի: Այդ  շրջանակներում 100 հոգանոց խումբն  Էղիրդիրի  լեռնադեսանտային  ուսումնարանում 14 շաբաթյա ուսուցում կսկսի:

Թուրքական «Հաբերա» լրատվական կայքը հայտնում է, որ Թուրքիայի պաշտպանության նախարարությունը և զինված ուժերի գլխավոր շտաբը կարևորում են  միջազգային հանրության մաս կազմող երկների հետ ռազմական ոլորտում երկկողմ հարաբերությունների զարգացումը: Մինչև այժմ 67 երկրի հետ ռազմական ուսուցման, տեխնիկական և գիտական համագործակցության, 55 երկրի հետ ռազմական արդյունաբերության, 52 երկիր հետ ռազական ուսուցման վերաբերյալ պայմանագրեր են ստորագրվել:

Թուրքիայի զինված ուժերը Միջին Ասիայում, Կովկասում, Բալկաններում և Աֆրիկայում մի շարք երկների ռազմական օգնություն է ցուցաբերում՝ սկսած 1992 թվականից: Թուրքիան 2012 թվականին 14 երկրների հետ ռազմական օգնություն տրամադրելու մասին պայմանագիր է ստորագրվել:

Այն երկրների զինվորականները, որոնց հետ համագործակցության վերաբերյալ պայմանագիր է ստորագրվել, կրթություն են ստանում Թուրքիայի  ռազմական ակադեմիաներում, զինվորական քոլեջներում, ռազմական դպրոցներում, ռազմաբժշկական ակադեմիայում, ենթասպայական ուսումնարաններում: Կրթությունն իրականացվում է կարճաժամկետ ուսուցման, կադրերի փոխանակման, զինվորական շտաբերում աշխատանքի, ընդհանուր զինավարժությունների միջոցով:

Ermenihaber.am