Քըլըչդարօղլու. Թուրքիայի արտաքին քաղաքականությունը բացասաբար է ազդում երկրի տնտեսության վրա

Տարածաշրջան07:06, 05 Դեկտեմբեր 2013

Քըլըչդարօղլու. Թուրքիայի արտաքին քաղաքականությունը բացասաբար է ազդում երկրի տնտեսության վրա

Թուրքիայի գլխավոր ընդդիմադիր «Ժողվրդահանարապետական» կուսակցության (ԺՀԿ-CHP) նախագահ Քեմալ Քըլըչդարօղլուն Վաշինգտոնում թուրք-ամերիկյան խորհդի կողմից կազմակերպված ընթրիքից հետո խոսել է Թուրքիայի տնտեսական վիճակի մասին:

Ըստ թուրքական «Ջիհան» լրատվական գործակալության՝ ընդդիմադիր գործիչը հայտնել է, որ տնտեսության վրա արտաքին քաղաքականության ազդեցությունը չափազանց մեծ է և միայն ներքին քաղաքականությամբ հնարավոր չէ տնտեսություն ձևավորել: Քըլըչդարօղլուն ընդգծել է, որ արտաքին քաղաքականության խնդիրները բացասաբար են ազդում տնտեսության վրա:

«Թուրքիան գտնվում է մի տարածաշրջանում, որտեղ շատ խնդիրներ կան: Սիրիայի, Իրաքի, Իսրայելի, Իրանի հետ խնդիրներ կան, և վերջերս էլ Եգիպտոսի հետ են խնդիրներ առաջացել: Խնդրահարույց արտաքին քաղաքականությունը բացասական ազդեցություն է թողնում Թուրքիայի տնտեսության վրա»,- ասել է ընդդիմադիր կուսակցության առաջնորդը:

Ermenihaber.am