Դավութօղլուի Երևան գալուց առաջ Թուրքիան փորձում է մեղմել Բաքվի հնարավոր ռեակցիան

Քաղաքական09:05, 07 Դեկտեմբեր 2013

Դավութօղլուի Երևան գալուց առաջ Թուրքիան փորձում է մեղմել Բաքվի հնարավոր ռեակցիան

Թուրքիայիարտգործնախարար Ահմեթ Դավութօլղուն պաշտոնական Երևանի հրավերով դեկտեմբերի 12-ին ժամանելու է Հայաստան` մասնակցելու «Սևծովյան տնտեսական համագործակցության կազմակերպության» (ՍԾՏՀ) անդամ երկրների արտաքին գործերի նախարարների նիստին: Հրավերն ու վերջինիս ընդունումը Դավութօղլուի կողմից դարձել է օրակարգային թուրքական մամուլի լրատվական հոսքերում:

Թեմային անդրադարձել է թուրքական «Փոսթա» թերթի սյունակագիր Հաքան Չելիքը: Նա ընդգծել է այն հանգամանքը, որ 2009-ից ի վեր թուրքական կողմից արտգործնախարարի մակարդակով ոչ մի այց չի կատարվել Հայաստան: Իսկ 2009-ին Երևանում է եղել այն ժամանակվա Թուրքիայի արտգործնախարար Ալի Բաբաջանը` դարձյալ ՍԾՏՀ-ի շրջանակներում:

«Ադրբեջանի հնարավոր ռեակցիան մեղմելու համար թուրքական կողմն ասում է. «Մենք գնում ենք ոչ թե Երևանի, այլ ՍԾՏՀ-ի հրավերով»,- նշում է Չելիքը` հիշեցնելով, որ օրերս Կիևը դարձել էր դիվանագիտական գործողությունների հարթակ Հայաստանի ու Ադրբեջանի արտգործնախարարների համար:

Ermenihaber.am