Թուրք քաղաքագետները Դավութօղլուի երևանյան այցի մասին

Տարածաշրջան08:32, 12 Դեկտեմբեր 2013

Թուրք քաղաքագետները Դավութօղլուի երևանյան այցի մասին

«Սևծովյան տնտեսական համագործակցություն» (ՍԾՏՀ) կազմակերպության արտգործնախարարների վեհաժողովին մասնակցելու նպատակով Թուրքիայի արտգործնախարար Ահմեթ Դավութօղլուն գտնվում էԵրևանում:

Թուրքական «Թուրքիյե գազեթեսի» լրատվական կայքը թուրք քաղաքագետների, քաղաքական վերլուծաբանների հետ զրուցել է այդ այցի մասին:

Եվրասիական հետազոտությունների կենտրոնի տնօրեն Ալև Քըլըչը հետևյալ տեսակետն է հայտնել. «Թուրքիան 2015 թվականին կնախագահի G20-ում , որի մեջ ընդգրկված են զարգացող և զարգացած երկրները: Միևնույն ժամանակ շարունակվում են աշխատանքները ՄԱԿ-ի անվտանգության խորհրդում 2015 և 2016 թթ. թեկնածությունն ապահովելու համար: Այդ իսկ պատճառով Հայաստանը տարածաշրջանի թարախապալար լինելու փոխարեն ավելի լավ է, որ այս այցը գնահատի կայունությանը ծառայող մի նոր հնարավորություն»:

Իսկ ըստ Բողազիչի համալսարանի դասախոս, պատմաբան պրոֆեսոր Զաֆեր Թոփրաքի՝ 2015 թվականին ընդառաջ Թուրքիայում առկա աղբյուրները օգտագործելով՝ իրականությունը ցույց տալ ժամանակը եկել է: Հայկական սփյուռքին պետք է հեռացնել գործըթնացից:

Միջազգային ռազմավարական հետազոտությունների խորհրդի նախագահ Օզդեմ Սանբերքի կարծիքով Դավութօղլուի այցը հարաբերությունների կարգավորման ջանքերն արագացնելու ուղղությամբ մեծ հնարավորություն է տալիս:

Իսկ Թուրքիայի նախկին արտգործնախարար Յաշար Յաքըշը նշել է, որ Հայաստանը և Թուրքիան տարաձայնությունների լուծում գտնելու համար հնարավոր ամեն բան պետք է անեն:

Ermenihaber.am