Թուրքիայում համարակալում են հայկական հարցն ուսումնասիրող ուսանողներին

Տարածաշրջան08:08, 12 Դեկտեմբեր 2013

Թուրքիայում համարակալում են հայկական հարցն ուսումնասիրող ուսանողներին

«Թուրքական պատմագիտական ընկերությունը» (ԹՊԸ) Բարձրագույն կրթության խորհրդի միջնորդությամբ Թուրքիայի համալսարաններ ուղարկած փաստաթղթով պահանջել է հայկական հարցի թեմայով ուսումնասիրություններ կատարող ուսանողների տվյալները:

Ստամբուլում տպագրվող հայկական երկլեզու (թուրքերեն-հայերեն) «Ակօս» թերթը հրապարակել է փաստաթղթի օրինակը, որը ստորագրված է անձամբ Թուրքական պատմագիտական ընկերության նախագահ Մեհմեթ Մեթին Հուլագուի կողմից:

Փաստաթղթում մասնավորապես ասված է.«Հայոց ցեղասպանության պնդումների վերաբերյալ ուսումնասիրություններում օգտագործելու նպատակով անհրաժեշտ է ունենալ Հայկական հարցի ուսումնասիրություններ կատարող ուսանողների անուն ազգանունները, աշխատանքների վերնագրերն ու կոնտակտային տվյալները»:

«Ակօս»-ը փորձել է պատմագիտական ընկերության նախագահից ճշտել տվյալների հավաքագրման իրական պատճառը, սակայն վերջինս ընդհանրապես հերքել է իր ստորագրությամբ փաստափուղթ ուղարկվելու փաստը: ԹՊԸ մեկ այլ պատասխանատուից էլ թերթը տեղեկացել է, որ փասթաթղթերը ուղարկվել են ԹՊԸ նախագահի ցուցումով, իսկ դրա նպատակը իրենք չգիտեն: