Դավութօղլու. «Երիտթուրքերի արածն անմարդկային էր ու սխալ»

Քաղաքական07:42, 13 Դեկտեմբեր 2013

Դավութօղլու. «Երիտթուրքերի արածն անմարդկային էր ու սխալ»

Թուրքիայի արտգործնախարար Ահմեթ Դավութօղլուի հետ Երևան ժամանած թուրքական «Հյուրիյեթի» թղթակից Ջանսու Չամլըբելը ներկայացրել է Հայոց ցեղասպանության հարցում Դավութօղլուի մոտեցումները:

Ըստ լրագորղի՝ Դավութօղլուն ասել է, որ նախորդ դարասկզբին իրականացված հայերի տեղահանությունն անընդունելի և անմարդկային արարք էր:

Դավութօղլուն նշել է, որ 1915 թվականի վերաբերյալ բոլոր փաստերը պետք է իմանան, որի վրա կստեղծվի «արդար հիշողություն»: Ըստ Դավութօղլուի՝ երկու հասարակություններում էլ «արդար հիշողությունը» կարող է կոտրել ընդդիմացող կոլեկտիվ գիտակցությունը:

«Մենք ասում ենք «արդար հիշողություն», ինչը նշանակում է, որ մենք պետք է իմանանք փաստերը։ Այդ ժամանակ մենք կտեսնենք, որ հայ-թուրքական հարաբերությունները գերմանա-հրեական կապերի պես անցյալի վրա չեն հիմնվում։ Նախ դա ուսումնասիրենք, բացահայտնեք, դրանից հետո էլ տեղահանությունը, այդ ընթացքում տեղի ունեցածները, որոնք ես ամբողջովին սխալ եմ համարում: Իթթիհադականների (երիտթուրքերի) արածը սխալ և անմարդկային էր: Տեղահանությունը մենք որևէ կերպ չենք ընդունում: Սակայն, երբ տեղահանությունից հետո պատմությունն է գրի առնվում, արդեն ձևավորվում է մի հավաքական գիտակցություն, որը հայերին համարում է հայրենիքի դավաճան և այդ իսկ պատճառով էլ ճիշտ է համարում նրանց տեղահանությունը: Այդ հավաքական գիտակցությունը պետք է կոտրել»,- կարծիք է հայտնել Թուրքիայի արգործնախարարը:

Ermenihaber.am