Դավութօղլու. «Հայաստան կատարած այցս հանցանք չէ»

Տարածաշրջան06:55, 16 Դեկտեմբեր 2013

Դավութօղլու. «Հայաստան կատարած այցս հանցանք չէ»

Թուրքիայի Արտաքին գործերի նախարար Ահմեթ Դավութօղլուն նախարարության 2014 թվականի բյուջեի հատկացումների հետ կապված ելույթ է ունեցել Թուրքիայի ազգային մեծ ժողովում:

Ելույթի ժամանակ նա պատասխանել է «Ազգայնական շարժում կուսակցության» նախագահի տեղակալ Թուղրուլ Թյուրքեշի կողմից հնչեցված քննադատություններին, որոնք վերաբերում էին արտգործնախարարի Հայաստան այցելությանը:

Դավութօղլուն ի պատասխան նշել է, որ Հայաստան իր այցելությունը հանցագործություն չէ:

«Ձեր հայրը (Արփասլան Թյուրքեշ-խմբ.) hայ-ադրբեջանական բախումների ժամանակ Փարիզում հանդիպել է Տեր-Պետրոսյանի հետ: Եթե դա հանցանք չէր, իսկ ըստ իս չէր, ապա Հայաստանի հետ մեր հանդիպումը նույնպես հանցանք չէ: Հայերի հետ համատեղ արդար հիշողության շրջանակներում համախմբվելն էլ հանցանք չէ, այլ մի մոտեցում է, որն անհրաժեշտ է կյանքի կոչել: Ով ինչ ուզում է, թող ասի, մենք ոչ մի ազգի վերևից չենք նայի»,- Դավութօղլուի խոսքերը մեջբերում է թուրքական « Միլլիյեթ» թերթը:

Ermenihaber.am