Էրդողանն Ադրբեջանի հետ կնքած պայմանագրով «ծախսի տակ է գցում» թուրք ժողովրդին

Տնտեսական14:45, 17 Դեկտեմբեր 2013

Էրդողանն Ադրբեջանի հետ կնքած պայմանագրով «ծախսի տակ է գցում» թուրք ժողովրդին

«Թուրքիայի վարչապետ Ռեջեփ Թայիփ Էրդողանն այն ժամանակ, երբ էկրաններից ու հրապարակներից ժողովրդին պատմում է, թե իրենք ինչ մեծ գործեր են անում, միևնույն ժամանակ թարմացնում է Ադրբեջանից բնական գազի գնման վերաբերյալ պայմանագիրը` ժողովրդին սարսափելի «ծախսի տակ գցելով»»,- գրում է թուրքական «gazetecileronline» լրատվական կայքը:

«Դավաճանությանը հավասար սխալ` ԱԶԿ-ի կողմից» վերտառությամբ հոդվածում ասվում է, որ կառավարությունը վերոնշյալ պայմանագրով գազի գինը կտրուկ բարձրացնում է, ու եթե նախկինում Թուրքիան 1000 խ/մ-ի համար Ադրբեջանին վճարում էր 129 դոլար ապա նոր պայմանագրով վճարում է 508 դոլար:

Ըստ թերթի` այս փոփոխության հետևանքով վերջին 2 տարվա ընթացքում Ադրբեջանին 1.4 միլիարդ դոլար ավել գումար է վճարվել, իսկ մինչև 2021 թվականը այդ թիվը կհասնի 15 միլիարդ դոլարի : Ընդիմադիր պատգամավոր Այքուրթ Էրդողլուն ասել է, որ Էրդողանի կառավարությունը նախորդ կառավարությունների արած ճիշտ գործերն ապականում է:

«Ադրբեջանի հետ գազի պայմանագրում արված փոփոխությունների պատճառով ժողովուրդը մեկ տարվա ընթացքում 1 միլիարդ 400 միլիոն լիրա ավել փող է վճարել : Տարիներ հետո ավելի շատ կվճարի: Մե՞ղք չէ ժողովուրդը»,- ասել է ընդդիմադիր պատգամավորը:

Ermenihaber.am