Արիս Նալջը. «Հայաստանում սպասում են, որ Թուրքիան վերջապես քայլ կատարի»

Քաղաքական14:58, 18 Դեկտեմբեր 2013

Արիս Նալջը. «Հայաստանում սպասում են, որ Թուրքիան վերջապես քայլ կատարի»

Թուրքիայում գործունեություն ծավալող հայազգի լրագրող Արիս Նալջըն իր «Ի՞նչ եղավ Երևանում» հոդվածում անդրադարձել Սևծովյան տնտեսական համագործակցության նիստի շրջանակներում Դավութօղլուի Երևան կատարած այցին: Հոդվածի երկրորդ մասում Նալջըն ամփոփել է այցից հետո Հայաստանում ձևավորված կարծիքը այդ այցի վերաբերյալ:

«Հայաստանում գոհ չեն այն հանգամանքից, որ հայկական թեման կրկին օրակարգ է բերվել սպասվող ընտրություններից առաջ (Թուրքիայում):

Հայոց ցեղասպանության 100-ամյակի մոտենալուն զուգահեռ ավելի նկատելի է դառնում Թուրքիայի մերժողական քաղաքականության անզորությունը: Հայաստանում պարզ է, որ բռնագաղթի մասին Դավութօղլուի կատարած հայտարարությունը միտված է 2015-ին սպասվող հայկական ռեակցիան մեղմացնելուն: Սակայն այս հայտարարությունը ցույց է տալիս նաև, որ Թուրքիան հասկանում է, որ հարցն այսպես չի լուծվի:

2015 թվականին ընդառաջ ոչ Հայաստանը, ոչ էլ սփյուռքը ցեղասպանության ճանաչման պահանջից որևէ հետքայլ չեն անի:

Հայաստանը սպասում է, որ արձանագրությունների ստորագրումից հետո վերջապես Թուրքիան քայլ կկատարի.

Թուրքիայում կառավարող ԱԶԿ-ն (Արդարություն և զարգացում կուսակցություն), որը շատ է սիրում այս օրերին Մերձավոր արևելքում և Կովկասի ավազանում «Մեծ եղբոր» դեր ստանձնել ու հաճախ էլ այդ մասին հայտարարում է, արդեն պետք է ցույց տա իր «Մեծ եղբայրությունը» և չնայելով Ադրբեջանին՝ քայլ կատարի:

Ermenihaber.am