Արևմտյան մամուլն անդրադարձել է Էրդողանի բառապաշարին

Քաղաքական12:29, 23 Դեկտեմբեր 2013

Արևմտյան մամուլն անդրադարձել է Էրդողանի բառապաշարին

Միջազգային մամուլում լայն արձագանք է ստացել Թուրքիայի վարչապետ Ռեջեփ Թայիփ Էրդողանի այն արտահայտությունը, որը նա արել էր իր ղեկավարած կառավարությանն հասցեագրվող ապօրինությունների ու կոռուպցիայի մեղադրանքների կապակցությամբ: Էրդողանն ասել էր «Մենք կկոտրենք այդ ձեռքերը»:

Financial Times

«Վարչապետը կանգնել իրենց որդիների պատճառով կոռուպցիոն սկանդալի մեջ հայտնված նախարարների կողքին» վերնագրով անդրադարձում նշում է, որ Էրդողանը կանգնել է իր նախարարների թիկունքին և համարում է, որ որոշ ուժեր նպատակ ունեն որոգայթ լարել նախարարների դեմ ու սևացնել նրանց համբավը: Էրդողանը դրա պատասխանատվությունը վերագրում է արտաքին ուժերին:

Daily Mail

«Էրդողանն իշխանություններին կացնահարել շարունակողների ձեռքերը կոտրելու խոստում տվեց» վերնագրով հոդվածում նշվում է, որ ձեռքեր կոտրելու մասին Էրդողանի խոսքերը հազարավոր մարդականց բողոքի ալիք են բարձրացրել փողոցներում և հասունացնում են կառավարության հրաժարականի պահանջը: Պարբերականի դիտարկմամբ`հակակոռուպցիոն խոշոր օպերացիան հիմնովին ցնցել է Թուրքիայի քաղաքական կարգը:

Wall Street Journal

Ընդգծում է այն հանգամանքը, որ Էրդողանը կոռուպցիան սկանդալների մեջ տեսնում է արտաքին ուժերի մեղավորությունը: Բառացիորեն նշվում է, որ սկանդալի ւ հայտ գալուց անմիջապես հետո հարձակման թիրախ է դարձրել արևմտյան դաշնակիցներին:

Հիշեցնենք, որ դեկտեմբերի 17-ին Ստամբուլում և Անկարայում ոստիկանության կողմից իրականացված հակակոռուպցիոն խոշոր օպերացիայի ժամանակ ձերբակալվել էին նախարարների ու գործարարների որդիներ: Ավելի քան 5 տասնյակ ձերբակալվածների թվում էին եղել Թուրքիայի ներքին գործերի նախարար Մուամմեր Գյուլերի, Էկոնոմիկայի նախարար Զաֆեր Չազլայանի ու քաղաքաշինության նախարար Էրդողան Բայրաքթարի որդիները: