Թուրքիայում հայտնաբերվել է նոր նավթահանք

Տնտեսական09:07, 25 Դեկտեմբեր 2013

Թուրքիայում հայտնաբերվել է նոր նավթահանք

Թուրքիայի հարավ-արևելյան քրդաբնակ Շիիրթ նահանգի Էրուհ շրջանի Բայըրյուզու գյուղի մերձակայքում կատարված հորատման աշխատանքներ կատարող հատուկ խումբը 2.400 մ խորության մեջ հայտնաբերվել է նավթի հանքահոր: Այդ մասին հայտնել է Թուրքիայում իշխող «Արդարություն և զարգացում» կուսակցության (ԱԶԿ-AKP) պատգամավոր Աֆիֆ Դեմիրքանը «Իհլաս» լրատվական գործակալության թղթակցի հետ զրույցում:

Պարզվել է, որ հորատման աշխատանքները սկսվել էին դեռևս անցյալ տարվանից: Արդյունքում հայտնաբերվել է նավթահանք, որի պաշարները գնահատվել են օրական 150 բարել նավթ արդյունահանելու ընդունակ ներուժով: Նավթահանքային նոր ավազաններ հայտնաբերելու ուղղությամբ աշխատանքները շարունակվում են: Թուրքերը ձգտում եմ այդ կերպ հնարավորինս նվազեցնել նավթի և բնական գազի ներկրման ծավալները:

Նշենք, որ Թուրքիայի իր էներգետիկ պահանջարկը բավարարելու համար տարեկան ներկրում է 60 մլրդ դոլարի էներգակիր:

Ermenihaber.am