Էրդողանը կոչ է արել հավատալ Թուրքիայի բարեկամությանը

Քաղաքական08:23, 16 Հունվար 2014

Էրդողանը կոչ է արել հավատալ Թուրքիայի բարեկամությանը

Աշխարհի տարբեր երկրներում դիվանագիտական առաքելություններ կատարող թուրք դեսպանների պատվին վարչապետ Ռեջեփ Թայիփ Էրդողանը ընթրիք է կազմակերպել և նրանց առջև հանդես եկել ելույթով: Թուրքիայի կառավարության ղեկավարը անդրադարձել է Անկարայի վարած արտաքին քաղաքականությանը և դա քննադատողներին:

«Մեզ հաճախ են հարցնում, թե Եգիպտոսի, Պաղեստինի, Սիրիայի, Իրաքի, Աֆղանստանի, Սոմալիի հետ ինչու ենք այդչափ կապված: Բայց հարկավոր է հարցն այսպես տալ. Իսկ հնարավո՞ր է այլ կերպ»,- ըստ «Գազեթեվաթան24»-ի ասել է Էրդողանը ու նշել, որ Թուրքիան չի կարող օրինակ թիկունք դարձնել Սիրիային և անտարբեր մնալ իր հարևանների նկատմամբ: Թուրքիայի արտաքին քաղաքականությունը քննադատողներին Էրդողանը հարց է ուղղել. «Եթե ձեր հարևանի տանը հրդեհ բռնկվի, դուք կարո՞ղ եք ձեր տանը հանգիստ նստած թեյ խմել»:

Վարչապետը նշել, որ Անկարայի արտաքին քաղաքականությունում ծածուկ և թաքնված բաներ չկան, որ Թուրքիան ոչ թե գաղտնի նպատակներ ունեցող գործակալներով և այլ սկզբունքներով շարժվող երկիր է:

«Բարեկամի բարեկամն ենք: Ամենքն էլ կարող են վստահել մեր բարեկամությանը»,- փառաբանելով սեփական երկրին ասել է Էրդողանը:

Ermenihaber.am