Թուրքական 7 կազմակերպություններ «Մեծ կաշառքի» և «Զուգահեռ պետության» մասին ընդհանուր հայտարարություն են արել

Տարածաշրջան16:46, 17 Հունվար 2014

Թուրքական 7 կազմակերպություններ «Մեծ կաշառքի» և «Զուգահեռ պետության» մասին ընդհանուր հայտարարություն են արել

Թուրքիայի հասարակության տարբեր շերտերը ներառող 7 կազմակերպություններ դեկտեմբերի 17-ից սկսված զարգացումների վերաբերյալ ընդհանուր հայտարարություն են տարածել: Դրանում անդրադարձ է կատարվում թուրքական ոստիկանության կողմից իրականցված «Մեծ կաշառք» օպերացիային և քուրդ գործչի արած հայտարարությանը, որում վերջինս «Զուգահեռ պետություններ» արտահայտության ներքո նկատի էր ունեցել Թուրքիայում հայկական, հունական և հրեական լոբբիները: Հայտարարության տակ ստորագրել են Թուրքիայի առևտրային պալատների և բորսաների միությունը, Թուրքիայի գյուղատնտեսական պալատների միությունը, Թուրքիայի բանվորական արհմիությունների միավորումը, Թուրքիայի գործատուների արհմիությունների միավորումը, Իրավական արհմիությունների միավորումը, Ծառայողների արհմիությունների միավորումը և Թուրքիայի արհեստագործական միավորումը:

Ընդհանուր հայտարարությամբ կազմակերպությունները իրենց մտահոգությունն են արտահայտել վերոնշյալ իրադարձությունների կապակցությամբ՝ նշելով, որ դրանք թուրք հասարակությանը տարբեր շերտերի բաժանելու միտում ունեն:

Հայտարարության մեջ միասնականության կոչ է արվել,կարողանալու համար հաղթահարել այն ցնցումները, որոնք իրենց բնութագրմամբ դուր են գալիս Թուրքիայի տնտեսական առաջնթացից անհանգստացող ուժերին: Այդքանով հանդերձ նրանք ցանկություն են հայտնում, որ և «Մեծ կաշառքի» և «Զուգահեռ պետության»-ը անկողմնակալ հետաքննության ենթարկվեն:

Նշվում է նաև, որ Թուրքիան այս պահին նոր սահմանադրության կարիք ունի, որն էլ պիտի օգնի խուսափել այսպիսի ցնցումներից: Ըստ նրանց այդ սահմանադրությունը պետք է հիմնված լինի միջազհային իրավունքի հիմքերի վրա և հեշտացնի ԵՄ նորմերի կյանքի կոչումն ու միաժամանակ ընդունելի լինի հասարակության բոլոր շերտերի կողմից:

Ermenihaber.am