Օջալանը թուրքական իշխանությունների առաջ ժամկետ է դրել

Տարածաշրջան11:46, 20 Հունվար 2014

Օջալանը թուրքական իշխանությունների առաջ ժամկետ է դրել

Քրդերի առաջնորդ Աբդուլլահ Օջալանը, ով ցմահ դատապարտյալ է Թուրքիային պատկանող Իմրալը կղզու բանտում, քրդական հարցի լուծման գործըթնացում քայլ կատարելու համար Անկարային ժամանակ է տվել մինչև ընտրությունների ավարտը:

Նշենք, որ մարտի 30-ին Թուրքիայում անցկացվելու են տեղական ինքնակառավարման մարմինների (ՏԻՄ) ընտրություններ:

Այդ մասին, ըստ թուրքական «Միլլիյեթ» օրաթերթի, հայտնել է «Kongra-Gel» (Ժողովրդական կոնգրեսի) նախագահ եվրոպաբնակ Ռեզմի Քարթալը, ով նախկինում եղել «Դեմոկրատական կուսակցության» պատգամավոր: Վերջինս նաև անդրադարձել է հյուսիսիրաքյան քրդական ինքնավարության գործունեությանը:

Քարթալը մասնավորապես ընդգծել է. «Մենք, իհարկե, ցանկանում ենք, որ ինքնավար Քուրդիստանը զարգացնի իր առևտրային հարաբերությունները Թուրքիայի հետ, բայց մենք չենք ուզում, որ իրաքյան Քուրդիստանի ղեկավարությունը գործիք դառնա Թուրքիայի իշխանական «Արդարություն և զարգացում» կուսացկության ձեռքին»:

Ermenihaber.am