Դեմիրթաշ. «Թուրքիայում խիզախ դատախազ չկա»

Տարածաշրջան14:28, 21 Հունվար 2014

Դեմիրթաշ. «Թուրքիայում խիզախ դատախազ չկա»

Քրդական «Խաղաղություն և զարգացում» կուսակցության համանախագահ Սելահեթթին Դեմիրթաշը կուսակցության հերթական ժողովի ժամանակ անդրադարձել է Հրանտ Դինքի սպանությանը և Հայոց ցեղասպանությանը: Այս մասին հայտնում է թուրքական «Հաբեր դիքաթ» լրատվական կայքը:

Դեմիրթաշը նշել է, որ Հրանտ Դինքի սպանությունը փորձ է արվում ծածկել՝ ասելով. «Դինքի ընտանիքն էլ գիտի, որ այս դատավարությունը արդարությունը չի վերականգնելու»: Ըստ քուրդ քաղաքական գործչի՝ 1915 թվականին Հայոց ցեղասպանության ժամանակ գոյություն ունեցած մտածելակերպը դեռ շարունակվում է: Իսկ հայ բառը Թուրքիայում շարունակվում է որպես հայհոյանք և վիրավորանք օգտագործվել:

Նա նշել է, որ Թուրքիայի իշխանության մտածելակերպին վաղուց են ծանոթ, իսկ այդ իշխանության 12 տարիների ընթացքում ոչինչ չի փոխվել՝ ո՛չ վարչապետն է փոխվել, ո՛չ էլ կառավարությունը:

«Այս երկրում խիզախ դատախազ չկա, հասարակ քաղաքացուն պաշտպանող ոստիկան չկա»,- ասել է Դեմիրթաշը:

Ermenihaber.am