Թուրքերը կատարելագործում են իրենց մարտական ուղղաթիռները

Տարածաշրջան10:12, 24 Հունվար 2014

Թուրքերը կատարելագործում են իրենց մարտական ուղղաթիռները

Թուրքական արտադրության «T129 ATAK» ուղղաթիռը կարող է դառնալ ամերիկյան « Apache » ուղղաթիռի մրցակից:

Թուրքական «Հաբերլեր» լրատվական կայքը հայտնում է, որ «T129 ATAK ուղղաթիռի վրա տեղադրվելու է թուրքական արտադրության միլիմետրային ալիքային ռադար (Mildar- Milimetre Dalga Radarı), որը նախագծվել է թուրքական Բիլքեն համալսարանի կողմից: « «Midar»-ի առանձնահատկությունն այն է, որ տեղորոշում է միլիմետրերի ճշգրտությամբ»,-հայտնել է սարքի արտադրությամբ զբաղվող «Մետեքսան» ընկերության տնօրեն Մուրադ Էրջիյեսը:

Նշվում է, որ այդ սարքերը փոքր չափսեր ունեն, ինչի շնորհիվ ուղղաթիռները և անօդաչու սարքերը կարող են հեշտությամբ կրել այն:

Ռադարը կարող է հեռավորության վատ տեսանելիության պայմաններում պարզ տեսանելիությունը և տեղանքի բարձրության քարտեզը ստանալ, իսկ բարդ տեղանքի պայմաններում ուղղորդել օդաչուին: Ռադարը կարող է միաժամանակ հայտնաբերել և հետևել մի շարք թիրախների, ինչպես նաև այդ տեղեկությունները ավտոմատ կերպով ուղարկել սպառազինության համակարգերին:

Ermenihaber.am