Թարգմանչական սխալ էրդողան-Ջիհանգարի հանդիպման ժամանակ

Տարածաշրջան13:26, 29 Հունվար 2014

Թարգմանչական սխալ էրդողան-Ջիհանգարի հանդիպման ժամանակ

Թուրքիայի վարչապետ Ռեջեփ Թայիփ Էրդողանի և Իրանի նախագահի առաջին տեղակալ Իսհակ Ջիհանգարիի համատեղ մամուլի ասուլիսի ժամանակ թարգմանչի սխալ թարգմանությունը ոգևորություն է առաջացրել լրագրողների շրջանում: Այս մասին տեղեկացնում է թուրքական «Արջա աժանս» լրատվական կայքը:

Իրանի նախագահի առաջին տեղակալի խոսքերը թարգմանելիս թարգմանիչն ասել է, թե Թուրքիայի և Իրանի միջև պայմանավորվածություն է ձեռք բերվել բնական գազի գնման շուրջ: Մամուլի ասուլիսի ավարտից անմիջապես հետո թուրք լրագրողներն Էներգետիկայի նախարար Թաներ Յըլդըզից պարզաբանումներ են խնդրել: Սակայն, Յըլդըզը հայտնել է, որ որևէ պայամանվորվածություն չկա, և բանակցությունները ընթացքի մեջ են:

Հունվարի 28-ին Թուրքիայի վարչապետ Էրդողանը մեկնել է Իրան: Այցի շրջանականերում նախատեսվում են հանդիպումներ Իրանի նախագահ Հասան Ռուհանիի և հոգևոր առաջնորդ Այաթոլլահ Ալի Հոմենեի հետ:
Ստորագրվելու է 5 պայամանգիր, որոնցով նախատեսվում է մինչև 2015 թվականը երկու երկրների միջև առևտրաշրջանառության ծավալն ավելացնել՝ հասցնելով 30 մլրդ. դոլարի: