Թուրքիայի և Իրանի միջև կստեղծվի համագործակցության բարձրագույն խորհուրդ

Տարածաշրջան10:35, 29 Հունվար 2014

Թուրքիայի և Իրանի միջև կստեղծվի համագործակցության բարձրագույն խորհուրդ

Հունվարի 28-ին Թուրքիայի վարչապետ Ռեջեփ Թայիփ Էրդողանը Իրան մեկնելուց առաջ օդանավակայանում լրագրողների հետ ճեպազրույցում անդրադարձել է թուրք–իրանական հարաբերություններին:

Թուրքիայի վարչապետը մասնավորապես ասել է, որ Իրանում նոր կառավարության պաշտոնավարումից ի վեր երկու երկրների արգործնախարարները գրեթե ամեն ամիս փոխադարձ այցեր են կատարում և շուտով Իրանի նախագահը կայցելի Թուրքիա:

«Մեր երկրների միջև շփումների հաճախակիությունը, մակարդակը և բնույթը ցույց են տալիս, որ մեր հարաբերությունները ավելին են քան ավանդական հարևանական հարաբերությունները: Այցիս շրջանակներում առկա հարաբերությունները ավելի խորացնելու ուղղությամբ մեկ քայլ ևս կարվի: Թուրքիայի և Իրանի միջև համագործակցության բարձրագույն խորհուրդ ենք ստեղծում: Խորհուրդը անկասկած թուրք- իրանական հարաբերություններին նոր թափ կհաղորդի»,- ասել է Էրդողանը:

Ermenihaber.am