Թուրքիայի և Իրանի միջև կնքվել է արտոնյալ առևտրի պայմանագիր

Տնտեսական10:10, 30 Հունվար 2014

Թուրքիայի և Իրանի միջև կնքվել է արտոնյալ առևտրի պայմանագիր

Հունվարի 28-29-ին Իրանի Իսլամական Հանրապետության կատարած այցի արդյունքում Թուրքիայի վարչապետ Ռեջեփ Թայիփ Էրդողանն իրանական կողմի հետ ստորագրել է արտոնյալ առևտրային պայմանագիր, որի շուրջ բանակցություններն արդեն 10 տարի ընթանում էին: Ըստ այդ պայմանագրի` Թուրքիան գյուղատնտեսական որոշ ապրանքների վրա սակագնայի զեղչ կսահմանի Իրանի համար: Դրա դիմաց Իրանը Թուրքիայի համար զեղչ կսահմանի արդյունաբերական ապրանքների վրա:

Ըստ թուրքական «Մեդյա 73» լրատվականի` այդ պայմանագրի կյանքի կոչվելուց հետո սպասվում է, որ Իրան կատարվելիք Թուրքիայի արդյունաբերական ապրանքների արտահանման ծավալները 3 տարվա ընթացքում կկրկնապատկվեն: 2012-ին օրինակ այն կազմել է 830 մլն դոլար:

Էրդողանի այցի ընթացքում գումարվել է նաև Թուրքիա-Իրան համատեղ առևտրային հանձնաժողովի 5-րդ նիստը: Կողմերը պայմանավորվածություն են ձեռք բերել 2015 թվականին երկու երկրների միջև իրականացվող առևտրաշրջանառության ծավալը հասցնել 30 մլրդ դոլարի:

Ermenihaber.am