Թուրքիայի անվտանգության աշխատակիցը կժամանի Հայաստան` հարցաքննելու թմրանյութ տեղափոխող թուրք վարորդին

Տարածաշրջան07:22, 31 Հունվար 2014

Թուրքիայի անվտանգության աշխատակիցը կժամանի Հայաստան` հարցաքննելու թմրանյութ տեղափոխող թուրք վարորդին

Ս.թ. հունվարի 17-ին ՀՀ Ազգային անվտագության ծառայությունը Իրանից Հայաստանի տարածքով տարանցիկ դեպի Վրաստան ուղևորվող բեռնատարի զննման արդյունքում, հատուկ հարմարեցված թաքստոցում հայտնաբերել էր առանձնապես խոշոր չափերի` 927 կգ հերոին տեսակի թմրամիջոց: Այնուհետև հունվարի 18-ին ՀՀ ԱԱԾ կողմից ձեռնարկված օպերատիվ-որոնողական աշխատանքների արդյունքում Երևան քաղաքում ձերբակալվել է Հայաստանի և Վրաստանի տարածքով տարանցիկ դեպի Թուրքիա նշված քանակության թմրամիջոցի տեղափոխման կազմակերպիչներից, 1973 թվականին ծնված, Թուրքիայի քաղաքացի հանդիսացող Օսման Ուգուրլուն:

Ըստ թուրքական «TRThaber» լրատվական կայքի` օրերս Ստամբուլի թմրանյութերի դեմ պայքարի վարչությունը ԱԱԾ-ի հայ գործընկերների հետ կապ հաստատելով` թուրք վարորդին հարցաքննելու պայմանավորվածություն են ձեռք բերել: Այսպիսով Թուրքիայի անվտանգության աշխատակիցներից մեկը կուղարկվի Հայաստան, ով անձամբ կհարցաքննի վարորդին:

Ermenihaber.am