Էրդողանի ու թուրք նախարարների թեհրանյան լուսանկարը բողոքի ալիք է բարձրացրել

Տարածաշրջան09:18, 31 Հունվար 2014

Էրդողանի ու թուրք նախարարների թեհրանյան լուսանկարը բողոքի ալիք է բարձրացրել

Թուրքիայի վարչապետ Ռեջեփ Թայիփ Էրդողանի և պատվիրակության կազմում ընդգրկված նախարարների թեհրանյան մի լուսանկար բուռն վրդովմունք է առաջացրել սոցիալական մեդիայի թուրք օգտատերերի շրջանում: Լուսանկարն արվել է այն ժամանակ, երբ Իրանի գերագույն հոգևոր առաջնորդ այաթոլահ Ալի Համենեին ընդունել է թուրքական պատվիրակությանը: Ծագած դժգոհության երկու հիմնական պատճառ է նշվում.

1. Սենյակում, որտեղ տեղի է ունեցել թուրքական պատվիրակության ընդունելությունը, բացակայել է Թուրքիայի Հանրապետության դրոշը, մինչդեռ իրանականը եղել է:

2. Նեղլիկ սենյակում Թուրքիայի նախարաները մի կերպ խցկված շարքով են նստել այաթոլահ Ալի Համենեի դիմաց:

Մանսավորապես Twitter միկրոբլոգում նշյալ լուսանկարի թեման օրակարգային է դարձել: Թուրք օգտատերերի դժգոհությունը հիմնականում կապվում է սիրիական գործոնի հետ: Նշվում է, որ Սիրիայի ընդդիմադիր ուժերին աջակցած Թուրքիան, բնականաբար, որևէ պատժիչ վերաբերմունքի պիտի արժանանար Սիրիայի նախագահ Բաշար Ասադի մերձավոր դաշնակից Համենեի կողմից: