Թուրքիայի նախագահը Հայկական հարցի առումով կարևոր է համարել լուռ դիվանագիտությունը

Քաղաքական07:57, 01 Փետրվար 2014

Թուրքիայի նախագահը Հայկական հարցի առումով կարևոր է համարել լուռ դիվանագիտությունը

Իտալիայի նախագահի հրավերով Իտալիայում գտնվող Թուրքիայի նախագահ Աբդուլլահ Գյուլը լրագրողների հետ հանդիպման ժամանակ խոսել է հայկական հարցի մասին: Գյուլի խոսքերով այսօր արդեն Թուրքիայում Հայկական հարցի վրա եղած տաբուները հաղթահարվել են, ու ամեն ինչ քննարկվում է:

Ըստ թուրքական «Քաֆեսիյասեթ» լրատվական կայքի՝ Թուրքիայի նախագահը մասնավորապես ասել է. «2014-2015 թվականները մեզ համար կարևոր տարիներ են: Թուրքիան միջազգային հարթակներում մի շարք դժվարությունների հետ է բախվելու: Սրանից 3-4 տարի առաջ մենք մտծում էինք, որ որպես շատ բարեկամներ ունեցող երկիր հեշտ կհաղթահարենք դրանք: Աշխարհի ու մեր ռիթմը փոխվեց, և մինչ մենք զբաղված էինք ներքին հարցերով, արտաքին դաշտի խնդիրները փոքր-ինչ շատացան: Մեր կառավարությունը դեռ մի քանի տարի առաջ տարաբնույթ աշխատանքներ է սկսել: Այս պահին կարևոր է, որ ավելացնենք մեր ջանքերը բոլորին Թուրքիայի հետ բարեկամության կարևորությունը ցույց տալու ուղղությամբ:

Թուրքիայում հայկական հարցի քննարկման համար այլևս արգելքներ չկան: Այն տարիների ցավալի իրադարձություննմերն այս հողերի վրա են տեղի ունեցել: Դրանք ընդհանուր ցավեր են: Պետք է կարողանանք սրանք ասել: Սակայն այլ դժբախտություններ էլ են տեղի ունեցել և ճիշտ չի լինի դրանցից որևէ մեկը ավելի առաջնային դիտարկել: Այս հարցում լուռ դիվանագիտություն է հարկավոր»:

Ermenihaber.am