Թուրքիայի տնտեսության ծավալները 2012-ին կազմել է 795 մլրդ դոլար

Տնտեսական10:40, 05 Փետրվար 2014

Թուրքիայի տնտեսության ծավալները 2012-ին կազմել է 795 մլրդ դոլար

Ամերիկացի հետազոտող Ռանդի Օսլոնը կազմել է խորհրդանշական մի քարտեզ, որի վրա համեմատություններ է անցկացրել աշխարհի մի շարք պետությունների ու ԱՄՆ տարբեր նահանգների տնտեսությունների միջև:

Թուրքական «Հյուրրիյեթ» պարբերականը հրապարակել է վերոնշյալ տնտեսական բնութագրության ամփոփիչ քարտեզը, որը կազմված է 2012 թվականին արձանագրված տնտեսական ցուցանիշների հիման վրա: Ըստ այդմ` Թուրքիայի տնտեսության ծավալները հաշվվել է շուրջ 795 մլրդ դոլար: Այդ ցուցանիշով Թուրքիան գերազանցում է ԱՄՆ-ի 29 նահանգի, բայց օրինակ զիջում է Կալիֆորնիա նահանգին, որի տնտեսական ծավալները համեմատելի են միայն Կանադայի հետ (2 տրլն դոլար):

Քարտեզում երկրները գունանշված են: Այդ գույներն ունեն հետևյալ նշանակությունները:

Կապույտը ցույց է տալիս 100 միլիոնից պակաս տնտեսական ցուցանիշ:

Կանաչը ցույց է տալիս 100-300 մլն դոլարի տնտեսական ցուցանիշ:

Դեղինը ցույց է տալիս 300 միլիոնից մինչև 1 տրլն դոլարի տնտեսական ցուցանիշ:

Կարմիրը ցույց է տալիս ավելի քան 1 տրլն դոլարի տնտեսական ցուցանիշ:

Ermenihaber.am