Օջալան. «Դեկտեմբերի 17-ը հեղաշրջման փորձ էր»

Քաղաքական08:52, 05 Փետրվար 2014

Օջալան. «Դեկտեմբերի 17-ը հեղաշրջման փորձ էր»

«Ժողովուրդների դեմոկրատական» կուսակցության (ԺԴԿ-HDP) համանախագահի օգնական Սըրրը Սյուրեյա Օնդերը քրդերի առաջնորդ, Իմրալի կղզում ցմահ բանտարկության դատապարտված Աբդուլլահ Օջալանի հետ հանդիպումների արդյունքների մանրամասներն է ներկայացրել: Նա նշել է, որ կառավարության հետ բանակցությունները արդյունավետ են և Իմրալիի բանտն արդեն բաց է քաղաքական պատվիրակությունների առջև:

Օնդերը տեղեկացնում է, որ մոտ օրերին Օջալանին կայցելեն ԺԴԿ կուսակցության համանախագահներ Սեբահաթ Թունջելը և Էրթուղրուլ Քյուրքչյուն, իսկ նրանցից հետո Իմրալի կգնան լրագրողները:
Օնդերը ներկայացրել է նաև Թուրքիայի ներքաղաքական զարգացումների, հատկապես դեկտեմբերի 17-ի հակակոռուպցիոն օպերացիայի վերաբերյալ Օջալանի մոտեցումները :

Այս մասին տեղեկացնող թուրքական «Վաթան» թերթը տեղեկացնում, որ Օջալանի կարծիքով հակակոռուպցիոն օպերացիան հեղաշրջման փորձ էր, կամ էլ ցանկանում էին հեղաշրջման վերածել:

Կառավարության և գյուլենական համայնքի միջև լարվածությունն Օջալան անվանել է ոչ այլ ինչ, քան պայքար իշխանության բաժանման համար: Նրա կարծիքով, եթե այս պայքարից հետո կողմերը պահպանեն իրանց հզորությունը, կարող են համաձայնության գալ:

Օջալանն անդրադարձել է նաև հակակոռուպցիոն օպերացիայից հետո առաջացած ներքաղական լարվածության ազդեցությանը քրդական հարցի խաղաղ կարգավորման վրա:
Օջալանը նշել է, որ քրդական գործընթացում ստեղծված դադարը չի կապում նշյալ հարցի հետ: Ըստ Օնդերի՝ Օջալանն ավելի շատ դժգոհում է հարցը հանգուցալուծման հասցնելու կառավարության կամային թուլությունից:

Ermenihaber.am