Էրդողանը փորձել է արդարացնել համացանցի գրաքննության մասին օրենքը

Տարածաշրջան14:03, 11 Փետրվար 2014

Էրդողանը փորձել է արդարացնել համացանցի գրաքննության մասին օրենքը

Թուրքիայի վարչապետ Ռեջեփ Թայիփ Էրդողանը այսօր ելույթ է ունեցել իշխող «Արդարություն և զարգացում» կուսակցության խորհրդարանական խմբակցության ժողովիում:

Էրդողանն անդրադարձել է համացանցի գրաքննության օրենքին, որն արդեն ընդունվել Թուրքիայի մեջլիսի (խորհրդարան) կողմից:

Վարչապետը նշել է, որ օրենքի ընդունմամբ փորձում են պաշտպանել երեխաներին և երիտասարդներին, ինչպես նաև քաղաքակնությունը և ազգային կամքը:

Ըստ Էրդողանի՝ երեխա ունեցող քաղաքացիները դեմ չեն լինի օրենքի փոփոխությանը, ընդդիմադիր «Ժողովրդահանրապետական» և «Ազգայնական շարժում» կուսակցությունները, որոնք միշտ կիբեր հարձակումների զոհ են դառնում, նույնպես չեն կարող դեմ լինել, իսկ եթե դեմ են արտահայտվում, նշանակում է, որ ինչ-որ սպառնալիք կա այնտեղ:

Թուրքական «Վաթան» թերթը հայտնում է, որ վարչապետը ելույթի ժամանակ մի բացահայտում է արել կապված ապօրինի ձայնագրությունների հետ:

«Մերսինում նահանգապետից մինչև քաղաքապետ, բոլոր կուսակցականները գաղտնալսվել են: Ոչ միայն իմ, նախագահի, այլև նախարարների, արվեստագետների, լրագրողների հեռախոսազրույցները գաղտնալսվել են և օգտագործվել շանտաժի համար»,- հայտնել է Էրդողանը:

Ermenihaber.am