Գյուլենականների նզովյալ Էրդողանը. սկանդալային սեանսներ ու ձայնագրություն

Տարածաշրջան12:51, 13 Փետրվար 2014

Գյուլենականների նզովյալ Էրդողանը. սկանդալային սեանսներ ու ձայնագրություն

Թուրքիայում բավականին ազդեցիկ դիրք ունեցող ամերիկաբնակ իսլամական գործիչ Ֆեթուլլահ Գյուլենի կրոնական համայնքի և Թուրքիայի վարչապետ Ռեջեփ Թայիփ Էրդողանի միջև պայքարը տեղափոխվել է այլ՝ միստիկ ոլորտ:
Նշվում է, որ Գյուլենի կողմնակիցները 3 տարի շարունակ անիծել են վարչապետ Էրդողանին:

Թուրքական «Աքշամ» թերթի փոխանցմամբ՝ Թուրքիայի կառավարության աղբյուրները հայտնում են, թե Թուրքիայի վարչապետ Էրդողանին է հասել Ֆեթուլլահ Գյուլենի՝ իր համայնքին ուղղարկված կարգադրությունների ձայնագրությունը: Նշվում է, որ Գյուլենը նախատում է իր կողմանկիցներին՝ ասելով. «3 տարի է անիծում եք, բայց չի մեռնում: Ձեր անեծքը չի ընդունվում»:

Վարչապետ Էրդողանն իր կուսակցության խորհրդարանական խմբակցության ժողովում ելույթի ունենալիս անդրադարձել է թեմային՝ նշելով, որ իրեն անգամ «անեծքները չեն դիպչում»:

Ավելի վաղ տեղեկացրել էինք, որ համայնքին պատկանող դպրոցներում ժողովներից և նամազներից հետո դպրոցների պատասխանատու անձանց կողմից «Արդարություն և զարգացում» կուսակցությանն (ԱԶԿ-AKP) անիծող ծիսական սեանսներ են կազմակերպվում:

Ermenihaber.am