Իսպանիայի վարչապետի անսպասելի ժեստը`Էրդողանի խոսքի ժամանակ (տեսանյութ)

Քաղաքական08:36, 13 Փետրվար 2014

Իսպանիայի վարչապետի անսպասելի ժեստը`Էրդողանի խոսքի ժամանակ (տեսանյութ)

Թուրքիայի մայրաքաղաք Անկարայում գտնվող Իսպանիայի Թագավորության վարչապետ Մարիանո Ռախոյի` թուրք գործընկերոջ` Ռեջեփ Թայիփ Էրդողանի հետ համատեղ մամուլի ասուլիսի ընթացքում արած ժեստը սկանդալի առիթ է դարձել:

Թուրքական «Սոնդաքիքա» լրատվական կայքի տեղեկացմամբ` լրագրողների հետ հարցուպատասխանի ժամանակ լրագրողներց մեկը հարցեր է ուղղել էրդողանին` դեկտեմբերի 17-ի հակակոռուպցիոն սկանդալի վերաբերյալ: Այն պահին, երբ էրդողանը սկսել է պատասխանել հարցերին, Իսպանիայի վարչապետը հրապարակայնորեն հանել է համաժամանակյա (սինխրոն) թարգմանության ականջակալը և դրել սեղանին:

Իսպանացի պաշտոնյայի այս ժեստը դիվանագիտական կուլիսներում քննարկման առիթ է դարձել: Որոշները ասում են, որ Մարիանո Ռախոն, ապշելով Թուրքիայի օրակարգում գտնվող հարցերի բնույթից, խուճապի է մատնվել ու այդ պատճառով է հանել ականջակալը:

Որոշներն էլ պնդում են, որ Իսպանիայի վարչապետի այս ժեստը իր մեջ պարունակում է «Այս թեմաները ինչ չեն վերաբերում» մեսիջը, ու նման կերպ նա ցանկացել է դիվանագիտական ժեստ անել իր թուրք գործընկերոջ հանդեպ: