Աբդուլլահ Գյուլը՝ համացանցի մասին օրենքի վավերացման մասին

Տարածաշրջան08:33, 14 Փետրվար 2014

Աբդուլլահ Գյուլը՝ համացանցի մասին օրենքի վավերացման մասին

Թուրքիայում բազմաթիվ քննարկումների, բողոքի պատճառ դարձած համացանցի մասին նոր օրենքը ներկայացվել է նախագահ Աբդուլլահ Գյուլի վավերացմանը:

Գյուլը Աֆղանստանի նախագահի և Պակիստանի վարչապետի հետ համատեղ մամուլի ասուլիսի ժամանակ պատասխանել է նաև օրենքի հաստատման մասին լրագրողների հարցերին:

Ինչպես տեղեկացնում է թուրքական «Ջիհան» լրատվական գործակալությունը, նախագահը հայտնել է, որ օրենքի ուղղությամբ աշխատանքներ են տարվում:

«Մեկ-երկու խնդրահարույց կետեր կան: Օրենքի վրա աշխատում ենք»,- ընդգծել է Գյուլը:

Հիշեցնենք, որ օրեր առաջ Թուրքիայի ազգային մեծ ժողովն օրինականացրել էր համացանցի գրաքննությունը թույլատրող օրենքը: Ըստ այդ օրենքի՝ հեռահաղորդակցության ոլորտը կարգավորող վարչությունը կարող է առանց դատարանի թույլտվությունը ստանալու մասնակի կամ ամբողջապես արգելափակել կայքեր կամ համացանցի օգտատերերի հաշիվները:

Օրենքի ընդունման դեմ բողոքի ալիք է բարձրացել երկրի ներսում, իսկ Արևմուտքը բավականին կոշտ է արտահատյվել՝ խորհրդարանի որոշումը համարելով մամուլի ազատության սահմանափակում և հետքայլ եվրոպական չափորոշիչներից:

Ermenihaber.am