Էլնուր Ասլանով. «Որոշ պետություններ ջանք են գործադրում հայ-թուրքական սահմանի բացման համար»

Տարածաշրջան13:40, 17 Փետրվար 2014

Էլնուր Ասլանով. «Որոշ պետություններ ջանք են գործադրում հայ-թուրքական սահմանի բացման համար»

Ադրբեջանում անցկացվում է «Ադրբեջան-Վրաստան-Թուրքիա եռակողմ միության և տարածաշրջանային քաղաքականության ապագան» թեմայով խորհրդաժողովը:

Ադրբեջանի նախագահի աշխատակազմի քաղաքական վերլուծությունների և տեղեկատվության բաժնի ղեկավար Էլնուր Ասլանովը, խորհրդաժողովում ելույթ ունենալով, հայտնել է որ մի շարք պետություններ և կազմակերպություններ Թուրքիա-Հայաստան սահմանը բացելու ուղղությամբ ջանքեր են գործադրում, իսկ որոշ հիմնադրամներ դրա համար փողեր են հատկացնում:
Այս մասին տեղեկացնում է թուրքական «Սոն դաքիքա» լրատվական կայքը:

Ասլանովը կրկնել է Բաքվի հայտնի տեսակետը, թե հայ-թուրքական սահմանը հնարավոր է բացել միայն Լեռնային Ղարաբաղի այսպես կոչված օկուպացիայի վերացումից հետո, իսկ տարածաշրջանում խաղաղություն կհաստատվի, եթե Հայաստանը վերջ դնի օկուպացիային: Նա հույս է հայտնել, որ Թուրքիան կշարունակի Ադրբեջանին աջակցող քաղաքականությունը: