Թուրքիան դատի է տվել Իրանին գազի սակագինը նվազեցնելու պահանջով

Տնտեսական07:10, 17 Փետրվար 2014

Թուրքիան դատի է տվել Իրանին գազի սակագինը նվազեցնելու պահանջով

Թուրքիան տարիներ շարունակ գազ է գնում Իրանի Իսլամական Հանրապետությունից (ԻԻՀ): Կապույտ վառելիքի դիմաց չափազանց բարձ գին վճարող Թուրքիան նախ փորձում է դիվանագիտական ճանապարհով հասնել իրանական գազի սակագնի որոշակի նվազեցման, բայց գործադրված դիվանագիտական ջանքերը պտուղ չեն տալիս: Անկարան ստիպված է լինում հարցը տեղափոխել միջազգային արբիտրաժային դատարան: Ներկայացված հայցն ընդունվել է ընթացքի դրվել:

Թուրքական «Վաթան» օրաթերթի տեղեկացմամբ` փետրվարի 17-ին Ժնևում մեկնարկել է այդ գործով առաջին դատական նիստը: Դատարանն իր վերջնական որոշում կայացնելու է առավելագույնը 6-12 ամիս ժամանակաընթացքում:

Այժմ իրանական 1.000խմ գազի համար 490 դոլար վճարող Թուրքիան նպատակ ունի նշյալ սակագինը նվազեցնել 440 դոլարի: Իրանը տարեկան 8 մլրդ խմ գազ է վաճառում Թուրքիային: Եթե Միջազգային արբիտրաժային դատարանը վճիռ կայացնի հօգուտ թուրքական կողմի, ապա Թուրքան տարեկան 400 մլն դոլարով կնվազեցնի իրանական գազի համար իր վճարելիք գումարը:

Պարբերականը նկատել է տալիս, որ Իրանը գազ է վաճառում մեկ այլ պետության ևս` Հայաստանին: Իրանական գազի սպառման ծավալներով առաջին գնորդ երկիր հանդիսացող Թուրքիան ավելի թանկ է վճարում (450 դոլար) գազի համար, քան Հայաստանը (250-300 դոլար), որը տարեկան Իրանից գնում է ընդամենը 450 մլն խմ գազ:

Նշվում է, որ Թուրքիան բնական գազ է գնում նաև Ռուսաստանից և Ադրբեջանից: 1.000 .խմ գազն առաջինից գնում է 330 դոլար, երկրորդից` 440 դոլար սակագնով:

Ermenihaber.am